Eri reqa’lenel ri delegación rech ri Subdirección General rech Q’atenik k’ax (SGPD) rech Comisaría 34 k’o pa Retalhuleu rech ri Wokajil Ajchajil Tinamit (PNC), rech uterenb’exik ub’ixik q’atenik k’ax ri’ rumal ri tojb’al rech ri bono 14 ri’.
Eri b’anoj ya’oltzijol ri’ are la’ xb’antaj pa tinamit rech San Martín Zapotitlán, Retalhuleu, chi la’ k’ut xkoj wiri’ le wujtzijolil pa taq le bancos xuquje’ cajeros automáticos ri’, rumal ri’ uq’ij tojb’al uwi’ b’anoj chak ri’.
Rumal ri’ pa taq ri tinamit rech San Felipe xuquje’ San Sebastián rech ri tinamit ri’, chi la’ k’ut xkoj wiri’ nima’q peraj pimawu rech ub’ixik wari’, xuquje’ chi la’ k’ut sib’alaj xechajix wi ri winaqil che ri xe’opan pa pwaqb’al ja rech xakesaj kipwaq ri’.
Pa k’is’al ri’, pa le Kitak’ib’al Ch’ich’ rech ri zona 4 rech Retalhuleu ri’, pa komon b’anoj ruk’r i Comisión Municipal rech Q’atel k’ax ri’ rech Retalhuleu (Comupre) ri’, kuk’ ri ajchajinelab’ rech Q’atel taq k’ax ri’, rech xkib’an jun komon cholchajinem ri’ rech xkijach ri wuj rech ya’oltzijol ub’ixik ruk’ taq retal rajilab’al uch’aweb’al pa aninaqil loq kuk’ ri PNC, ruk’ xkojik ri wujtzijil kub’ij “Cuida tu Bono 14” xuquje’ k’o ri wuj ri’ xkoj pa taq le ch’ich’ kakeqaj b’i winaq e ajb’inisaxel pa tinamit, xuquje’ k’o calcomanías rech ub’ixik q’atel ch’ijom k’ax kb’an chi ke winaqil ri’.