Are taqim kapatanaxik xuquje’ kachajixik ri winaqil ri’, rumal ri’ eri reqa’lenelab’ ri División Especializada rech Investigación Criminal (DEIC) rech ri Wokajil Ajchajil Tinamit (PNC), kiriqom ri’ pa enero k’a pa le 10 rech Mayo e 1 mil 667 chi ixoqib’, ak’alab’, taq ala, taq ali, alab’om alitom, xuquje’ achijab’ ri ya’tal kitzijol pa le alertas Isabel Claudina xuquje’ Alba Kenneth ri’.
Eri tzukunik kumal e ajchajil tinamit are la’ xuk’utu che e riqom chik e 211 chi ri’j taq achijab’, 428 chi ixoqib’ ri ya’tal kitzijol pa le Alerta xuquje’ 1 mil 028 chi ak’alab’, taq ala, taq ali xuquje’ alab’om alitom ri’. Pa konojel ri’ e k’o chik 1 mil 633 e k’aslik xeriqitajik.
Are la’ ketajin che kiriqik ri reqa’lenelab’ ri DEIC niñez xuquje’ kumal ri tzukunelab’ rech ajchajil tinamit ri man ke’uxulan taj pa le kitzukuxik ri’.
K’o jun alaj ne’ oxib’ ik’ alaxinaq xriqitajik, ri xesal b’i pa rachoch rumal ri utat ub’i’ Javier Ramos Saldaña 34 ujunab’, ri kab’ixik xchapataj loq pa le Barrio El Jardín rech Coatepeque, Xe’alju’.
Eri alaj ne’ ri’ eri unan xk’amoj b’i pa le Delegación rech Procuraduría General rech ri Amaq’il rech kachomax le rilik ri’.
Jeri’ e k’o oxib’ taq ak’alab’ ya’om kitzijol pa le Alerta Alba Kenneth ri’, ri kab’ixik xesach pa Villa Nueva ri’, e are ri’ xeriqitaj kumal tzukunelab’ pa San Luis Potosí, Estado de México ri’.
Rumal k’u ri’ eri q’atb’al tzij rech ajchajil tinamit kikojom jachakub’al rech kechomax ri winaqilal che ri kakiya’ loq ub’ixik che xsach ri kachalal ri’ wene’ rumal jun chik k’ax ri tajin kuya’ q’oxomal pa kik’aslemal ri winaqil e aj iximulew ri’.
Rumal k’u ri’ k’o nim upatanib’al ri winaq chakib’ij loq pa le 110 rch PNC, pa le 1518 rech ri Ministerio rech Gobernación ri’.