Aretaq xeterenb’exik pa aninaqil kumal reqa’lenel ri Wokajil Ajchajil Tinamit ri’, xb’antaj kowonem xechapaaj keb’ moto sicarios aretaq k’a xkikamisaj keb’ chi winaqil ri’ xuquje’ xkisak jun ri’.
Are wa’ xb’antaj pa tinamit rech Izabal, maltyox b’a’ chi ke ri winaq xetob’anik ri xkiya’ kitzijol nik’aj kamisanelab’ ri’ rumal ri’ pa aninaqil xb’antaj kowonem xechapataj ri’.
Eri nik’aj xechapataj ri’ e are k’ut jun achi ub’i’ Marvin Jeremías Con 32 ujunab’ xuquje’ jun chik ub’i’ José Felipe Vásquez 22 ujunab’, ri xe’oqatax loq pa le aldea Santa Elena Gran Cañón, Morales Izabal k’iyalaj taq kilómetros k’a pa le 215 rech ri Nimab’e rech ri Atlántico xechapataj wi loq, kumal reqa’lenelab’ ri Wokajil Ajchajil Tinamit, kab’ixik xriqitaj kuk’ jun ch’a’wib’al, jun k’aqb’al xuquje’ jun kejch’ich’ ri xkikoj ri’ rech xkanij kib’.