Pa le nab’e taq wajxaqib’ ik’ rech pa junab’ ri’, eri Comando Antisecuestros rech ri Wokajil Ajchajil Tinamit (PNC) e k’o 17 b’anol k’ax kakeleq’aj winaq xkichap loq , ri chom pwaq tajin xkitoq’ij chi kij ri’. Eri e ajchajil tinamit xkib’an ri q’atenik ri’ pa le cholchak ub’i’ “Por la Vida y la Libertad”. Chi ke ri e 17 chi b’anol k’ax elaq’an winaq ri’ k’o jun ixoq xkichapo, chi la’ pa le colonia Guajitos, zona 21, rech Iximulew, ri are jun xreleq’aj jun q’apoj alit 20 ujunab’, ri sib’alaj xkitoq’ij Q60 mil chi pwaqil chi rij rech kakitzoqopij loq.
K’ate kanoq, eri e reqa’lenel e ajtzukno’jchak ri Comando ri’ xkiterne’j rij jun ri’j achi 59 ujunab’ eleq’am b’i kumal b’anol k’ax, pa le 5 rech septiembre pa le caserío El Esfuerzo, de Las Cruces, Petén, chi la’ k’ut eri nik’aj b’anol k’ax sib’alaj xkiq’at utoq’ixik Q1.5 millones nim pwaqil chi rij rech kakitzoqopij loq. Pa le una’ojixik, uterne’xik, uch’ob’ik , utzukuxik xb’an k’o k’i taq tzijol xmol uwach pa le tzukno’jchak ri’, rumal ri’ eri e ajchajil tinamit sib’alaj xkib’an uriqik ri achi’ elaq’am b’i kumal nik’aj b’anol k’ax, chi la’ pa le aldea Sacpuy, San Andrés, rech pa tinamit la’.
Eri q’atb’al tzij xkiya loq utzijol che ri achi eleq’am b’i man k’ot retal ch’ayonik xriq tane’ chi rij xuquje’ xb’an toq’ob’ xk’am b’i pa le Instituto Nacional rech Ciencias Forenses (INACIF) rech xb’an ukunaxik chi la’. Rumal ri’ sib’alaj k’o nim upatan we le winaqilal kakiya loq utzijol ub’ixik pa le 110 rech ri PNC ri k’ax kakilo kab’anik ri kub’an k’ax chi ke ri winaqilal e aj iximulew.