E k’o 19 chi e ajpache’ e tz’apilik xeriqitaj e are jun pa b’anoj k’ax ri’

Eri reqa’lenel ri Wokaj Ajchajinelab’ rech Q’atenel taq Pandillas ri’ ub’i’ (Dipanda) ri’, rech ri Wokajil Ajchajil Tinamit ub’i’ (PNC), xkiya utzijol che pa le keb’ k’a pa le lajuj q’ij rech octubre ri’ xya ub’ixik chi ke e 19 winaq e tz’apil pache’ chi k’o nik’aj chik kimak xkib’an ri’.

Eri nik’aj pandilleros e tz’apil taq japache’ ri kab’ixik xkib’an toq’inik pwaq ri’. Xuquje’ eri q’atb’al tzij xkib’ij che xeriqitaj ri’ wajxaqib’ chi winaqil ketajin che b’anoj k’ax pa nimatinamit Iximulew, pa Sacatepéquez xuquje’ pa Escuintla ri’.

Eri q’atb’al tzij xtaq kichapik e 40 chi winaqil ri’ rumal xkib’an toq’inik pwaq, b’anoj elaq’, keqam k’aqb’alil xuquje’ awan kunb’alil pa rulewal taq tinamit rech Chimaltenango, Izabal, Alta Verapaz, Santa Rosa, Jutiapa, Escuintla xuquje’ pa  Xe’laju’ ri’.

Kaya b’a’ utzijol ri’ che pa le b’anoj tzukunem pa kachoch winaq, chi la’ k’ut xechapataj wi loq keb’ chi q’apojil ri xek’am b’i pa q’atb’al tzij kech ak’alab’ keniman ta tzij.
pa le 25 puqchajinem tzukunik ri’, xriqitaj wi keb’ chi k’aqb’al, jun k’aqb’al rech wos, kab’lajuj chi ub’aq’ k’aqb’al, keb’ b’ilob’al ub’aq’ k’aqb’alil, kajib’ pisob’al rech marihuana, 24 chi ch’aweb’al uquje’ keb’ chi kejach’ich’ ri’.

Eri xb’antaj kumal e ajchajil tinamit ri’ are la’ rech xterne’x kichapik nik’aj e ajb’anol k’ax kekamisan ri’, rumal k’o ri winaq xkiya lo ub’ixik pa le 110 rech PNC ri’.

Noticias Recientes