Xchapataj pa San Marcos ri jun ub’i’ kab’ixik Peluche rech kataq b’i pache’ q’atb’al tzij naj k’u ri’

Eri Comando Antinarcóticos rech ri Subdirección General rech Análisis rech Información Antinarcótico (SGAIA) ri’ rech ri Wokajil Ajchajil Tinamit ub’i’ (PNC) ri’, pa q’ij kamik xkichap loq jun achi rech kataq b’i pache’ q’atb’al tzij pa Estados Unidos rech Norteamérica ri’ jun achi ub’i’ a Wilfido Venemar Luargas De La Fuente ub’i’ kab’ixik  Peluche, pa jun peraj tiko’n rech platanera rech aldea Los Laureles, Ocos, San Marcos ri’, rumal k’o pa narcotráfico ri’.

Eri Peluche ri’ kab’ixik, are ri’ ub’anom k’ax ri’ rumal xutaq b’i pa eqa’n jo’ob’ chi upajb’alil ri awan kunb’alil cocaína, rech xuk’ayij b’i chi la’ k’ut, rech xutaq b’i pa naj nimatinamit ri’ pane’ b’a’ reta’m chi are la’ jun b’anoj k’ax ri’, ri pa awalik xutaq b’i pa Estados Unidos ri’ rumal ri’ xmakuj uwach ri Sección 963 rech ri T’itulo 21 rech ri código rech ri Estados Unidos ri’.

Jeri’ xupis b’i xutaq b’i jo’ob’ upajb’alil rech ri awan kunb’alil ub’i’ cocaína ri’, pane’ reta’m chi are la’ jun b’anoj k’ax xqaj pa le b’anoj k’ax ri’ rumal xutaq b’i ri awan kunb’alil pa le Estados Unidos ri’.

Are chi’ xchapataj kumal e ajchajil tinamit xriqitaj jun k’aqb’al ruk’, oxib’ tolws xuquje’ kiwujilal winaq ri’.

E k’o 23 chi winaqil e aj iximulew ri taqom loq kichapik ri’ xuquje’ e k’o kab’lajuj b’anoj chik uwach k’ax b’anom ri’.

Eri q’atb’al tzij antinarcóticas xkib’ij che rumal ri ch’ojinik tajin chi la’, eri De La Fuente ri’ xq’axexik chi la’ pa le fuerza de Tarea Tecún Uman ri’, k’o pa Coatepeque, Xe’laju’ ri’, rech te k’u ri’ pa xik’ach’ich’ xk’am loq pa nimatinamit rech Iximulew ri’.

Noticias Recientes