Pa konojel ri’ e k’o 23 chi winaqil xechapataj loq rech ketaq b’i pache’ pa q’atb’al tzij pa Estados Unidos ri’, e chapom pa we junab’ 2021 ri’, eri reqa’lenelab’ ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit ri’ eri e 18 ri’ xechap loq rumal e uwinaqil narcotráfico, are la’ xechapatajik rumal ri komonchak xutaq ub’anik ri Quinto Viceministerio rech Gobernación ri’.
Chi ke ri xechapataj ri’ e k’o ri’ a Juan Carlos Chacón Alvarado, 31 ujunab’ alias «Veneno», ri jun ub’i’ kab’ixik “El Mister”, ri kab’ixik xq’alajinik che ri are ri’ uwinaq jun molaj ajk’ayin awan kunb’alil ri’, pa jusetaj ulew rech ri Sur, Centro xuquje’ Norteamérica, ri taqol b’i rech pa taq ch’ich’, ri kakichakuj xuquje’ ri kakisolij ri uq’axaxik ri awan kunb’alil pa molajil ri’ pa Iximulew.
Eri kajilab’al katz’aqat ri’ ruk’ a Marvin Alfredo Hurtarte Ramírez, alias “El Cantinflas”, pa aeropuerto La Aurora, upetik loq pa jun tojq’ax xik’ch’ich’ rech Panamá loq, a Álvaro Rodolfo García Reyes ri’, pa aldea La Fragua, Zacapa ri’, a Mario Iván Amézquita Mérida, alias «Chato» ri’ xuquje’ «San Miguel Arcángel» ri’ pa le Kilómetro 240 rulewal tinamit rech Pajapita, San Marcos ri’, a Carlos Enrique Cáceres Molina, 33 ujunab’, pa zona 8 rech Mixco ri’, a Alfredo Ramón Marroquín Escobar, pa Ayutla, San Marcos ri’, a Alfredo Solares Mejía, alias “El Corcho”, pa Ayutla, San Marcos ri’.
Xuquje’ jun ixoq ub’i’ Virginia Margarita Bourdet Delgado, xchapataj pa le boulevard principal residenciales San José, San José Pinula ri’, a Maynor Jovito Salazar Méndez, alias le 7 ri’, pa Chiquimula ri’, a Gersom Blas Muñoz Cifuentes, ri ub’i’ kab’ixik «El Duke» xuquje’ El Duko» ri’, pa le 15 calle rech ri zona 1 rech La Esperanza, Quetzaltenango ri’, a Willian Adelmo Chacón Ríos, xchapataj loq pa le Kilómetro 220 nimab’e rech ri Atlántico ri’, Los Amates, Izabal ri’, a José Widalty Cruz Ojeda, ub’i’ kab’ixik (Comejón) ri are xchap loq pa le nimab’e kab’e Puerto Quetzal pa Iztapa, Escuintla ri’, ub’i’ kab’ixik «El Licenciado» ri’, a Luis Gonzalo Gutiérrez, are uwinaqil mexicana ri’ xchapataj loq pa le zona 10, a Donald Roberto Osorio Pineda, 34 ujunab’, xchapataj loq Los Amates, Izabal ri’.
Xuquje’ xchapataj loq a Byron Alcides Berganza Espino, 63ujunab’, ri are xchapataj loq kumal ri SGAIA, pa le kilómetro 20.5 nimab’e kab’e El Salvador, a Alfonso Rustrían, 34 ujunab’, are uwinaqil mexicana ri’, xchapataj loq pa le zona 10, pa le 30 rech marzo, a Adalberto Fructuoso Comparan Rodríguez, ub’i’ kab’ixik «Fruto» ri’ are uwinaqil mexicana, xchapataj loq pa le zona 10, pa le 30 rech marzo ri’, a , José Juan Zúñiga Rodríguez, pa le kilómetro 256, nimab’e kab’e pa Ocós kab’e pa Tecún Umán, San Marcos ri’.
Xkitun kib’ pa le chol kib’i’ kumal ri tzukunelab’ rech ri Centro Antipandillas Trasnacional (CAT) xkichap k’ut jun pandillero uwinaqil salvadoreña xuquje’ rumal xutaq releq’axik jun winaq, rumal xukoj jun wujil man rech taj rech xok pa le rachoch jun aeropuerto ri’, xuquje’ ri Yakow Weingarten xuquje’ ub’i’ a Yakev Nuchem Wingarten, xuquje’ jun chik ub’i’ ri’ a Yaakov Weingarten xuquje’ a Yankev Nuchem Weingarten, alaxinaq pa Bélgica ri’, xuquje’ ukojom rib’ che uwinaqil ri Estados Unidos xuquje’ aj Guatemala ri’, xchapataj pa le aldea El Amatillo, Oratorio, Santa Rosa, jun achi ub’i’ a Rolando Antonio Gallardo Martínez, ub’i’ kab’ixik “Ardilla” xuquje’ “Shadow Black” are uwinaqil salvadoreña ri’ kab’ixik are jun chi marero 18, chapom loq pa Sanarate, El Progreso ri’.
Pa k’isb’al ri’, eri jun hondureño ub’i’ Miguel Ángel Buezo Buezo, 31 ujunab’, pa le 5ª calle 6ª avenida rech ri zona 3 rech Jutiapa xchap wi loq ri’ xuquje’ eri tzukunelab’ ri División Especializada rech Investigación Criminal, (DEIC) xkichap loq jun achi ub’i’ Geovanni De Jesús Aguirre González, 50 ujunab’, xchapataj ri’ rech kataq b’i pache’ q’atb’al tzij pa Estados Unidos ri’.