Pa ronojel e k’o wuqub’ chi winaqil xechapataj ri’ xuquje’ k’o 100 chi pajb’alil rech Cocaína xriqitaj ri’ pa 140 millas náuticas ri’, pa uwi’ plo, are wa’ xriqitaj kumal ri Fuerza Especial Naval xuquje’ are la’ xq’alajin rilik pa le etab’anik xb’an che kumal reqa’lenelab’ ri Sub Dirección General rech Análisis rech Información Antinarcótica (SGAIA) rech ri Wokajil Ajchajil Tinamit (PNC) ri’.
Eri awan kunb’alil xriqitaj ri’ are la’ pisom petinaq ri’ pa oxib’ taq k’olib’alil ri’ eri rilik b’anom loq che are jun awan kunb’alil Cocaína ub’i’ ri qas k’o pa ukiy ri’.
Chi ke nik’aj winaq xechapataj ri’, xriqitaj jun brújula kuk’ rech are la’ kakikojo rech kakitaqij kib’inik chi re, ruk’ kajib’ chi ch’a’wib’alil, ruk’ jun tob’chakub’al ub’i’ Sistema rech Posicionamiento Global (GPS are la’ ub’i’ pa inglés), ruk’ jun equipo rech radio transmisión naj ropanb’al ri’ xuquje’ jun chokonsab’al rech kuya’ k’amq’aq’ (ri plantas eléctricas) ri’.
Eri wokjail ajchajil tinamit ri’ xkib’ij eri nik’aj winaq che ri xkichap loq nik’aj e aj iximulewal ri’, e are ri’ a Fernando Zepeda Cardona, 31 ujunab’, a Randolfo Godoy Centeno, 28 ujunab’, a Roberto Arturo Umaña Aguirre, 56 ujunab’, a Cobin Geovanny Corleto Álvarez, 24 ujunab’, a Deyvis Bernardo Espinosa Ramos, 22 ujunab’, a Adrián Alfredo Enrique González, 52 ujunab’xuquje’ a Jorge Alberto López Torres, 36 ujunab’ ri’.