E k’o 53 chi winaqil xechapatajik rumal xkinimaj ta tzij rech uq’atexik ri COVID-19 ri’

Are la’ uwach ri tzukunem chajinem xuquje’ ri q’atenik k’ax xkib’an ri reqa’lenelab’ ri Wokajil Ajchajil Tinamit (PNC) rumal ri’ e k’o 53 chi winaqil xechapataj loq pa we amaq’.

Chi ke ri xechapatajik ri’, 43 e achijab’ xuquje’ e lajuj ixoqib’ ri’, konojel ri’ man xkinimaj taj ri taqanem tzij rech uq’atexik ri jun itzel yab’il rumal ri K’amal b’e Amaq’ ri’.

Eri rulewal tinamit che ri qas e k’o wi winaq xechapataj ri’ are pa Iximulew, pa Chiquimula, pa Jalapa, pa San Marcos, pa Chimaltenango, pa Alta Verapaz, pa Petén xuquje’ El Progreso ri’.

Eri winaqil che ri xechapataj ri’ kab’ixik xeriqitajik aretaq tajin keq’ab’arik pa k’ayib’al taq tzam ri’, pa tinamit ri’ xuquje’ e k’o nik’aj chik aretaq e q’ab’arel katijom tzam kib’inisam b’i kich’ich’ ri’.

Eri Ministerio rech Gobernación xuta toq’ob’ komon chajinem ri’, rech kanimaxik ri uq’ijol jacha’ ri xub’ij ri Taqawokaj pa Amaq’ Iximulew ri’.

Noticias Recientes