Pa we junab’ ri’, eri reqa’lenelab’ ri jalajoj jachakub’al rech ri Wokajil Ajchajil Tinamit ri’, e k’o chik 250 chi kawinaqil ri 31 chi molaj e b’anol k’ax ri’ pa taq le b’anoj tzukunem rech q’atenil k’ax ri’, rumal k’o winaq xkiya’ loq kitzijol ri’ xuquje’ rumal ri tzukunem xb’antaj chi kij ri’.
Rumal ri’ e k’o wajxaqib’ chi molaj e b’anol k’ax e chapom chik ri tajin toq’inik pwaq xkib’an ri’ rumal ri’ e k’o chik 90 chi kawinaqil e b’anol k’ax e chapom ri’. Xuquje’ e k’o e julajuj chi molaj b’anol k’ax xeq’atataj ri’ xuquje’ rumal xkib’an kamisanik e k’o 68 chi chi b’anol k’ax xechapataj ri’.
Rumal k’u ri’ e k’o 14 chi winaqil kakeleq’aj winaq xechapataj ri’ e k’o oxib’ chi molaj b’anol k’ax xeq’atataj ri’.
Xuquje’ eri ajchajil tinamit e k’o k’i e ajb’anol k’ax ri kakib’an ch’ijom taqanik chi ke winaq xechapataj ri’, k’o ri xkib’an elaq’ ri’, e k’o pa awalik kakik’am b’i winaq, k’o kakib’an elaq’, k’o kakipoq’saj pwaq, k’o kakitoj ta tojb’al chi rij k’ayij ri’ xechapataj ri’.
Eri q’atb’al tzij rech ri Ministerio rech Gobernación xuquje’ ri taqanel rech ri Wokajil Ajchajil Tinamit xkisik’ij ri winaqil rech xkib’ij chi ke chkiterenb’ej ub’ixik loq kitzijol e ajb’anol k’ax pa le 110 rech PNC xuquje’ pa le 1518 rech ri Mingob ri’.