Eri Ajchak Reqa’leenl ri Unidad rech Expertaje rech ri División Especializada rech Investigación Criminal (DEIC), rech ri Wokajil Ajchajil Tinamit (PNC), pa enero pawe q’ij chanim, e k’o 4 mil 514 chi solin b’insal ch’ich’ xub’an pa waqib’ uk’olib’alil ri e k’o pa rulewal tinamit. E k’o b’elejeb’ b’insal ch’ich’ ruk’ kejach’ich’ ri k’o k’extal urajilab’alil are la’ xk’ulmatajik are chi’ xe’eloq’ik.
Eri tecnologías ri k’o pa runimal rachoch uk’olib’al k’o pa nimatinamit rech xuq’alajisaj rilik wari’ chi rij taq ri b’insal c’ich’ che keloq’ik ri kek’ayixik, xuril taq utaretalil ruk’ ri uranch’ich’.
Eri rajtaqanel ri Unidad ri’, Otto Marroquín, xub’ij che ri taqim ri’ are rech kab’an le rilik utzijolil pa le saqil uwachwuj rech utoq’axik rilik kumal sak’ajil reqa’lenel chajin tinamit xuquje’ rech uk’ak’arik le rilik pa usaqilemal. “Eri qajchak e ajilol sib’alaj ya’om kiwujilal rech xkitijoj kib’ pa le Nimatijob’al rech San Carlos rech Iximulew (Usac) xuquje’ eri Subdirección rech Reta’mab’al Tijonem Chajin Tinamit rech ri PNC, e are k’ut kakiya b’i ri wujilal che ri kubij wi junam utzijol ri’ k’o pa saqil pa le uwuj rech kab’inisax ri ch’ich’ ri’”, xcha’ ri Marroquín.
Xuquje’ xuya utzijolil chi k’o jun k’ak’ le b’anoj rilik, chi uwach k’ut ri plataforma rech expertaje ti’ kakiq’ansaj wi ri kiwujilal ub’i’ (DPI) ri winaqil, ri kiwujq’axeb’al ri winaq rech jun chik nimatinamit kepe wiri’, are ri’ rajwaxik kanimaxik we ri winaq karaj kub’an resaxik ri wujilal ri’ xuquje’ ri e ajchoq’e ta ri ch’ich’, ruk’ uwuj ri ch’ich’, uwuj rech kab’inisax ri ch’ich’, uwuj rech xk’am loq pa amaq’il xuquje’ ri uwuj rech xtaq loq.
Are wa’ uta’ik
Rajwaxik b’a’ eri winaqilal jachin kakaj kakita wari’ chakita b’a’ pa le uwachwujil https://expertaje.pnc.gob.gt/public/turno/create, rech kab’ix chi ke ri q’ij ri kajb’al rech kakik’am b’i ri kich’ich’ kasolixik.
Pa ri k’olib’alil ri’
Ri winaqil rajwaxik ke’opan b’a’ pa taq le k’olib’alil ri’:
Pa 13 avenida 13-36, barrio Gerona, zona 1 rech nimatinamit.
Pa 8ª calle 0-143, zona 7 rech pa Xe’laju’.
Pa Calle el Hipódromo, Corral Chiquito, zona 8 rech pa Chinab’jul.
Pa 9ª calle 3-57, barrio La Reforma, Zacapa ri’.
Pa Calzada Virgilio Rodríguez Macal, Barrio El Pijul, aldea Santa Elena rech Flores, Petén.
Pa Aldea Las Flores, kilómetro 248, Morales, Izabal.