Eri reqa’lenelab’ ri División Especializada rech Investigación Criminal (DEIC) rech ri Wokajil Ajchajil Tinamit (PNC) pa le 28 rech febrero ri’ xkichap loq rech xkik’am b’i pa jun jachakub’al rech ri Instituto Guatemalteco rech Migración (IGM) e 44 chi winaqilal e ajq’axel b’i pa qatinamit ri kepe pa taq jalajoj tinamit ri maj kiwujil e k’o pa qatinamit. Are la’ rech taqim kaq’atexik ri winaqil maj kiwujil keqam ta loq, are wa’ xb’antaj pa le rachoch k’olib’al jun nimk’ayib’al rech Centra Norte rech ri zona 18 rech uk’u’x qatinamit.
· Eri winaqib’ che ri xechap b’i pa le IGM e are ri’:
Oxib’ rech Camerún
Jo’ob’ rech Colombia
Jun rech Ecuador
Jun rech Perú
Keb’ rech Brasil
Keb’ rech Chile
Oxib’ rech Nigeria
Waqxaqib’ rech Venezuela
B’elejlajuj rech Haití.
Eri q’atb’al Tzij xkib’ij ri’ e k’o e lajuj ixoqib’, juk’al keb’ chi achijab’, jo’ob’ taq ali xuquje’ wuqub’ taq ala ri’.
Eri tzukunik kumal ri ajchajil tinamit are kitaqim uq’atexik ri b’anoj k’ax ch’ijom chak chi ke ri ak’alab’ xuquje’ ri ixoqib’ rech maj jun winaq kub’an tane’ k’ax achk’ulaj chi ke pa taq ri tinamit.