Pa enero k’a pa le 28 rech febrero rech pa junab’ ri’, eri reqa’lenel ri Subdirección General rech Investigación Criminal (SGIC) kuk’ ri reqa’lenel ri División Especializada rech Investigación Criminal (DEIC) rech ri Wokajil Ajchajil Tinamit (PNC) xkiriq e 583 chi ak’alab’ ri ya’om kitzijol pa le Alerta Alba Keneth ri’ rumal e sachinaq. Eri q’atol Tzij xub’ij eri ak’alab’ ri’ xa’ kesam b’i kib’ pa taq ri kachoch rumal k’o k’ax kab’an chi ke xuquje’ rumal k’o kakik’ula’lej Tzij. Are la’ tajin utzukuxik uwach kumal ri e ajchajil tinamit rech pa keriq pa aninaqil ri’.
Pa le b’iw b’ixik kumal ri SGIC ruk’ ri DEIC, are xya’taj ub’ixik kumal kitat nan ri’, are chi’ ma xe’opan ta chik ri k’alk’uwal pa kachoch.
Eri ajchajil tinamit xkib’ij e k’o keb’ pa juk’al keb’ kajilab’al chi winaq xeriqitaj pa jujun taq q’ij ri’ rech ri 2023. Rumal ri’ e riqom chik 874 chi ak’alab’, ixoqib’ xuquje’ achijab’.
Winaqib’ xeriqik
· E k’o 129 chi achijab’ xeriqitaj kumal rajtzukunel ajchajil tinamit. Are chi’ xeriqitajik xkib’an ri kilik jas che jeri’ xkib’ano, rumal ri’ xkilo e xesachik rumal xkiwajo kib’, rumal taq k’ax ch’a’ojinik pa kachoch, rumal elaq’, rumal k’ax e yowab’ xuquje’ k’o nik’aj chik rumal xkimaj kib’e xeb’e che b’enam ri’.
· E k’o 162 chi ixoqib’ e k’aslik xeriqitajik are chi’ xya’taj kitzijol b’ixik kumal kik’ulaj, kitat nan xuquje’ kumal kachib’il ri xkiya loq ub’ixikk pa le Alerta Isabel Claudina.
Eri q’atb’al Tzij xkiya ub’ixik utzijol chi k’o ri rajilab’al ch’aweb’al rech kech’a’w wi loq ri winaq ri’ pa le 110 xuquje’ pa le 1572 rech kakiya loq ub’ixik ri k’ax kab’an chi ke. Eri b’iw ub’ixik ri’ are la’ k’o nim upatanib’al rech pa aninaqil ketzukux kumal ri wokajil ajchajil tinamit.