Eri kimajtajik ri ch’ich’ e ajk’amel winaq pa le tinamit pa q’ij jueves e k’o 500 reqa’lenel ri Wokajil Ajchajil Tinamit ri kechajin chi ke ri winaqilal jacha’ ri kib’im uta’ik ri’.
Eri chajinem ri’ are kab’anik aretaq kemajtaj chik ri ch’ich’ rech erel winaq pa amaq’, jeri’ xub’ij ri Edwin Monrroy, ajtzijolinel ajchajil tinamit ri’.
“Rumal ri’ k’o jun riqb’al ib’xb’an kuk’ ri ajchoq’e ri ch’ich’ rech erelwinaq pa tinamit rech kechajixik rech uq’atexik b’anoj k’ax chi ke.
We kamik q’ij jueves eri e ajchajil tinamit ri’ ketob’an che kilik ri ch’ich’ we man ketitz’ ta b’ik winaq chi upam taq xuquje’ rech uq’atexik ri jun itzel yab’il Coronavirus (COVID-19)”, xcha’ ri Monrroy.
Jeri’, kaya’ uchuq’ab’ ri chajinem pa zona 18, 5 chi la’ k’ut che ri qas kak’ulmataj wi b’anoj k’ax ri’.
Jeri’, eri q’atb’altzij rech ajchajil tinamit kuk’is uk’u’x che ub’ixik chi ke ri winaqilal rech chakib’ij loq wexa’ sib’alaj e k’i winaq kik’amom b’i ri ch’ich’ ri’, rumal ri’ chakib’ij loq pa le 110 rech PNC ri’.