Paq’ij kamik 8 rech diciembre eri Tercer Viceministro rech Gobernación, Héctor Eduardo Morales xujach ub’ixik ri chak b’anom chik rumal ri la Subdirección General rech Q’atel B’anoj K’ax (SGPD) rech ri Wokajil Ajchajil Tinamit (PNC), xuquje’ rumal ri Unidad rech ri Prevención Comunitaria rech ri K’ax ri’ (UPCV), rumal ri’ Unidad rech Género Multiculturalidad, Juventud xuquje’ Niñez xuquje’ rumal ri Secretaría Ejecutiva rech Servicio Cívico ri’, ri b’anoj q’atenik k’ax pa Iximulew.
Pa le b’anoj chakum ri’, xb’antaj 28 mil 982 chi b’anonew, xb’an ri’ cholb’al chak, cholchak, b’anoj tzukunem xuquje’ b’anoj chomanem kuk’ ri winaqilal, rech xb’an utzilem chi ke 665 mil 833 chi winaqib’ pa qatinamit. Xuquje’ xb’an ri’ xwok 260 Kitaqanik Q’atb’al tzij rech Q’atenik B’anoj K’ax pa tinamit, ri xkojik rech uq’atexik ri b’anoj k’ax pa taq jujun katinamit, xcha’ ri Tercer Viceministro Gobernación, Morales ri’.
Eri patanel xub’ij che xb’antaj k’ut uwokik kuwach 3 mil 181 chi komon winaqilal, rech taq tinamit ri’ rech q’atenik ri b’anoj k’ax pa qatinamit ri’. Jeri’ e k’o 5 mil 025 chi alab’om alitom xetijoxik pa le cholchak Patanem ub’i’ Servicio Cívico are nimanem kab’anik rech q’atenik ri b’anoj k’ax, rech utz ukojik ri redes sociales ri’, rech tijonik pa ulewal tinamit, rech q’atenik b’anoj k’ax chi ke ri ixoqib’, rech utz k’utb’e , ruk’ nik’aj chik.
Eri b’anonewm chak pa wokajilal ri’ rech q’atenik taq ch’ojinik chi rij k’amq’aq’nil, chi rij ujastaq rulewal tinamit, taqanik pa tinamit xuquje’ chi rij ch’ojil kumal winaqilal, rech nimanik pa qatinamit xuquje’ rech no’jib’alil, b’anom cik 1.9 millones chi utzilem toq’ob’ chi ke ri uwinaqilal rech Chinab’jul, rech San Marcos, rech Tz’oloja’, rech Suchitepéquez, rech Retalhuleu, rech Zacapa, rech Jutiapa xuquje’ rech Izabal, xcha’ ri Tercer Viceministro rech Q’atenik B’anoj K’ax.
Ri k’exnem kuwach ajchajin tinamit
Eri Morales Alarcón xuya ub’ixik eri uwach Runimal Cholchak rech Tijonem rech ri Ub’e’al rech K’exnem Uwach Wokaj Chajin Tinamit ri xtaq ub’anik rumal ri Wokom K’amal b’e Amaq’ Uximulew, rumal ri’ eri q’atb’al tzij pa le uchakunik ri programa Prevención rech ri K’ax, chi ke Ixoqib’, Ak’alab’ xuquje’ Q’apojil (Previ), xkib’an k’ut 109 chi kematz’ib’ rech kakoj pa chakuja, 13 kematz’ib’ rech eqam xuquje’ 109 UPS pa Comisarías rech ri PNC.
Jeri’, e k’o 118 chi eqa’lenelab’ xek’oji pa le Primer Curso rech Especialidad rech Prevención rech ri k’ax ri’ xuquje’ xb’an ukojik ri Academia Virtual rech ri Prevención rech ri k’ax (PREVIRTUAL) ri’. Xuquje’ xjaq uwach taq ri k’ak’ upam rachoch ri Programa rech Prevención ri’ xuquje’ Q’atenik k’ax pa Kachoch Winaq ri’ (Propevi) xuquje’ rech xumaj upatan ri chakuja ri’, ri Amigos rech ri Lactancia Materna, xcha’ ri Tercer Viceministro, Héctor Morales ri’.
Ri b’anoj q’atenik k’ax
Qaraj k’o 599 mil 181 chi winaqib’ xb’an ri utzilem chi ke ruk’ taq ri jalajoj ya’oltzijol rech q’atenik ri k’ax pa qatinamit. Xuquje’ e k’o 3 mil 077 chi ak’alab’ ri’ xetijoxikj chi rij b’anoj q’atenik k’ax ri’ pa taq ri cholchak xb’an pa taq ri tijob’al rech pa qatinamit, xcha’ ri ajpatanel.
Eri Tercer Viceministro rech Gobernación, xuya utzijol che paq’ij 10 rech diciembre ri’ kak’is ub’anik ri Campeanto rech Futbol 11 Vamos Por El Mundialito GT, chi la’ k’ut xe’etz’anik e 4 mil 020 chi alab’om alitom k’o 14 pa 20 kijunab’. Eri b’anoj nim etz’enem ri’ are la’ xk’am ub’e rumal ri Taqawokajnem rech ri Ya’olchajinem pa Amaq’, xuquje’ xb’an k’ut utaqixik uwa’lijsaxik ri b’anoj etz’enem ri’ xuquje’ rech xkoj jun ya’tajem rech ke’etz’en ri ak’alab’ rech kaq’atexik ri b’anoj k’ax pa qatinamit.