Pa uterenb’exik ri b’anoj sak’ajil tzukunem ri’, eri reqa’lenel ri Centro Antipandillas Transnacional (CAT) xuquje’ ri Subdirección General rech Investigación Criminal rech ri Wokajil Ajchajil Tinamit (PNC) ri’ paq’ij kamik 8 rech diciembre, xkijach b’i pa frontera Valle Nuevo, Jalpatagua, Jutiapa, jun achi ub’i’ a Eduardo Perez xuquje’ Héctor Yovany Carpio Ávalos, alias Scoody o Scorpion, pandillero rech ri MS-13, ri sib’alaj tzukum kumal ri q’atb’al tzij rech pa utinamit k’a pa le 2017, rumal reqaxik k’aqb’al maj pa usaqil xuquje’ b’anoj kamisanik ri’.
Eri sak’ajil tzukunem xb’an kumal reqa’lenel ri CAT, e are k’ut xkiriq jun achi ub’i’ Alias Scoody, pa le Hospital rech Especialidades rech Barberena, Santa Rosa, ri xtzukuj ajkun rech xkunax ri u’apéndice ri’.
Paq’ij kamik ri’ eri jun achi ri’ pa jun ambulancia xk’am b’i rech xjach b’i pa kaq’ab’ ri q’atb’al tzij salvadoreñas ri’, are la’ uwach jun b’anoj toq’ob’ tajin chi kuwach ri keb’ nimatinamit ri’ pa le kachapik kajtaqanel taq ri pandillas che ri kakiwajo kib’ pa Iximulew ri’, jeri’ xub’ijri Adal Najarro, Subdirector Director General rech Investigación Criminal ri’.
”Eri ujachik b’i jun winaq ri’ che ri uwam rib’ pa qatinamit k’a pa nik’aj ik’ chik ri’, rumal wa’ xb’antaj ri chak rech xchap b’i xuquje’ are la’ uwach ri cholchak tajin ub’anik rumal ri Ministro rech Gobernación, David Napoleón Barrientos”, xcha’ ri Najarro ri’.
Eri K’amal b’e rech ri Unidades Especializadas Operativas rech El Salvador, Douglas Funes, xub’ij xuquje’ xumaltyoxij ri tob’anem xuya’ ri CAT xuquje’ ri SGIC rech PNC rech Iximulew, pa le utzukuxik uriqik xuquje’ uchapik ri’.
“Eri jun winaq ri’ are kab’ixik xutaq kikamisaxik e 76 chi winaqil pa komon b’anoj k’ax kumal e 15 chi taqanel rech ri MS-13 salvadoreña. Eri Alias Scoody are jun pandillero nim reqele’n, xuquje’ are ri ulaj chi ke ri e chapom chik rumal ri q’atb’al tzij pa qatinamit”, xcha’ ri Funes.
Eri jun marero ri’ man k’ot pa usaqil kariqitaj chi’, rumal ri’ xk’am b’i pa migración rech xjach b’i pa kaq’ab’ ri q’atb’al tzij rech pa utinamit pa le frontera Valle Nuevo, Jalpatagua, Jutiapa, rech xjach b’i pa kaq’ab’ ri CAT pa le nimatinamit centroamericana ri’.
Eri PNC rech Iximulew xub’ij che e jachom chik pa uq’ab’ ri Instituto Guatemalteco rech Migración e 86 chi pandilleros salvadoreños ri’ ri kiwam kib’ xeriqitaj b’i pa qatinamit ri’.