Eri puqtzukunem xb’an pa kemonchak rumal ri Taqawokaj Japache’ Tz’apib’al ruk’ ri utob’anik ri nimawokajil Ajchajin Tinamit ri’.
Eri rajchajinelab’ ri Grupo Élite rech ri Taqawokajil Japache’ Tz’apib’al, ruk’ ri utob’anik ri Nimawokajil Ajchajin Tinamit ub’i’ (PNC), xkik’am b’i jun achi ajpache’ ri tz’apilik ub’i’ a Wilber Antonio Romero Mora ri’, ukojomb’i’aj “Piolín”, xuquje’ a Wender Rolando Eguizábal Gálvez, “Flaco” ukojomb’i’aj ri’, eri keb’ achijab’ ri’ e’are taqom loq kachapik kak’amik kumal ri q’atb’al tzij rech Estados Unidos rumal xkib’an ri kimak pa narcotráfico ri’-
Eri a Romero Mora are xchap loq pa marzo rech pa junab’ ri’ pa jun tzukunem xb’an pa Escuintla kumal rajchajinelab’ ri Subdirección General rech Análisis rech Información Antinarcótica (SGAIA) rech ri PNC. Are taqom loq uchapik uk’amik rumal ri nimaq’atb’al tzij ub’i’ Corte Distritalrech Estados Unidos rech ri Distrito Este rech Texas, chi la’ k’ut xub’an wi umak b’anow k’ax ri’, ri xub’an wi xuk’ayij wi ri cocaína ri’.
Eri a Eguizábal Gálvez ri are xchapataj loq pa febrero ri’ pa Izabal. Eri q’atb’al tzij kakib’ij, eri jun achi ri’ are kab’ixik kajtaqanel ri jun molaj b’anol k’ax ri’ ri e’ajk’ayin rech ri cocaína pa taq Estados Unidos ri’.
Eri e keb’ achijab’ ri’ e’are xek’am b’i pa kemon, are chi’ xkik’am b’i xkijach b’i pa kaq’ab’ ri q’atb’al tzij rech taq ri nimatinamit keriqitaj sib’alaj naj ri’.
Eri kak’amik b’i are la’ kuq’alajisaj ri kemonchak tajin ub’anik kumal taq ri taqawokajil rech chajinem xuquje’ rech suk’umalil rech pa ya’ik uchuq’ab’ taq ri uq’atexik narcotráfico ri’ xuquje’ rech kanimaxik kataqik b’i nik’aj e’ajpache’ ri’.