Eri nimatat a Víctor Cruz sib’alaj xuya utzijol ri kemonchak b’anom rech pa kaq’atexik ri molaj b’anol k’ax xuquje’ rech ya’el uchuq’ab’ ri chajinem pa k’ulb’a’til pa amaq’ tinamit
Le viceministro rech Antinarcóticos xuquje’ Seguridad Fronteriza, Víctor Cruz Reynoso, xuya utzijol taq ri nimachak xb’antaj rumal le Ministerio rech Gobernación rech uq’atexik taq ri narcoactividad xuquje’ ruk’ ri molaj b’anol k’ax ri’, pa le foro virtual ri’ ub’i’ Radiografía rech ri narcoactividad pa Iximulew”, taqom ub’anik rumal le Centro de Investigaciones Económicas Nacionales (CIEN) ri’.
Pa le utzijob’el ri’, le viceministro xuya ub’ixik chi rij taq ri chak b’anom pa taq tzukunem ri’, kumal taq ri sak’ajil rajchajinelab’ ri wokaj chajin tinamit, jeri’ xuya’ ub’ixik ri ya’ik uchuq’ab’ xya’taj ri chajinem tajin pa taq k’ulb’a’til pa amaq’ tinamit, pa taq puertos xuquje’ pa taq kik’olib’al kiqajib’al taq xik’ach’ich’ rech pa amaq’ tinamit.
Le nimatat a Cruz Reynoso sib’alaj xuya ub’ixik chi rij kaq’atexik ri narcotráfico ri’, are la’ jun nim kaq’atexik b’anom kumal taq ri taqawokajilal rech ri Amaq’ xuquje’ kumal nik’aj chik winaqilal, pa le utzijob’exik ri’ pa kemonb’alil xunab’ejsaj ub’ixik chi rij taq ri b’anow k’ax petiinaq ri’ petisam kumal ri nuk’molaj e’ajb’anol k’ax pa taq amaq’ib’ nimatinamit.
Eri nim patanel ri’ xuquje’ sib’alaj xuya utzijol chi k’o nim upatanib’al rech kaya’ik nim uchuq’ab’ ri b’anow chajinem pa taq okib’al xuquje’ eleb’al pa rulewal amaq’ tinamit, pa le kemonchak kuk’ taq ri q’atb’al tzij aduaneras, portuarias, aeroportuarias xuquje’ pa nik’aj chik taqawokajil ruk’ suk’ilal pa b’anikil ri chajinem pa k’ulb’a’til pa amaq’ tinamit.
Chi rij wari’, le viceministro xub’ij che ri kaq’atexik ri narcotráfico ri’ are la’ tajin ub’anik, ruk’ pa nik’aj chik utaqib’alil, rech kesax kachuq’ab’ nik’aj molaj b’anol k’ax ri’ xuquje’ rech katz’apix kib’e ri molaj b’anol k’ax, pa le ub’anik taq ri tzukunem chajinik xuquje’ kumal ri e sak’ajil taq ajchajinelab’ ri’. Xuquje’ xub’ij che tajin ri kemonchak rumal le Subdirección General rech Análisis rech Información Antinarcótica (SGAIA) xuquje’ rumal ri División rech Puertos, Aeropuertos xuquje’ Puestos Fronterizos (DIPAFRONT) rech ri Wokajil Ajchajin Tinamit ub’i’ (PNC), pa jun kemonchak kumal ri taqawokajilal pa le ya’ik uchuq’ab’il ri chajinem pa taq ri k’olib’alil che ri qas kab’an wi ri k’ax.
Rumal ri’ le nimatat a Cruz Reynoso xub’an jun nim kasik’ixik ub’ixik chi ke ri winaqil pa tinamit rech chakiya b’a’ ub’ixik wexa’ k’o ri k’ax kakilo kab’anik xuquje’ chakiya b’a’ ub’ixik loq ri tzijol chi rij rech kab’an utzukuxik. Sib’alaj xub’ij k’ut che chi k’o nim upatanib’al kakiya loq ub’ixik ri winaqil ri’ xuquje’ ri b’anow kemonchak chi rij ri’ kumal ri taqawokajil rech kakiya nim uchuq’ab’ ri chajinem pa amaq’ tinamit.
Eri foro xb’antaj rumal ri CIEN are k’o jun nim upatanib’al pa le b’anow ch’ob’ow utzijoxik chi rij taq ri ub’anikik ri poq’san k’ayin awan kunb’al ri’ pa Iximulew xuquje’ are rech kab’an uch’ob’ik uchomaxikuwach ri nimachak kab’an ri’ rech kaq’atexik pa amaq’ tinamit ri’, jeri’ ri b’anow chak rajawaxik rech uq’atexik kumal taq ri wokajilal.