Rumal k’ut xb’antaj k’iyalaj b’anoj tzukunem pa Nimatinamit Iximulew, B’oko’ (Chimaltenango) xuquje’ pa Escuintla ri’, eri tzukunelab’ rech ri Wokajil Ajchajinelab’ rech Q’atel Pandillas (DIPANDA), rech ri Subdirección General rech Investigación Criminal, xuquje’ kumal ri q’atol tzij rech ri Ministerio Público, e k’o kajlajuj chi e ajb’anol k’ax kawinaqil ri jun Clica Raza Chapina rech ri Barrio 18, che ri sib’alaj kakib’an toq’inik pwaq chi ke e ajchoq’e ch’ich’ rech erelwinaq xuquje’ chi ke e ajk’ayinelab’ rech taq tinamit ri’.
Eri David Boteo, taqanel rech ri Wokajil Ajchajinelab’ rech Q’atel Pandillas (DIPANDA), xuya’ loq ub’ixik che e k’o julajuj chi ixoqib’ xechapataj loq rumal k’o toq’inik pwaq xkib’an ri’.
Eri nik’aj b’anol k’ax ri’ e are xb’antaj kowonem xechapataj pa taq tzukunem xb’antaj ri’: e are k’u ri’ a César Augusto Domínguez Chacon 54 ujunab’, al Irma Leticia Subuyuc Saquil 46 ujunab’, a Miguel Ángel Vásquez Flores 23 ujunab’, al Jenifer Andrea Pérez Escobar 23 ujunab’, al Maria Ursula Itzol Jolon 20 ujunab’, al Milagros Del Rosario Aguilar Del Cid, al Blanca Azucena Letona Hipólita 24 ujunab’, al María Nicolasa Hernández 35 ujunab’, a Berlyn Aracely García Arriaga 19 ujunab’, al Wendi Azucena Aspuac Bucu 20 ujunab’, al Lorena Noemy Sactic Sequen 28 ujunab’, al Damaris Saraí Enríquez Ramírez, a Kenny Bryan Rojas Pérez 26 ujunab’xuquje’ al Leslie Elizabeth Zamora Jerez 22 ujunab’ ri’.
Jeri’ xb’antaj kowonem xriqitajik k’aqb’alil, ub’aq’ k’aqb’alil, choma pwaq xuquje’ ch’a’wib’alil ri’.
Eri reqa’lenel ri e ajchajil tinamit ri’ ketajin che ub’anik tzukunem ri’, rech kakichap loq nik’aj b’anol k’ax che tajin kakixib’ij kakib’an k’ax chi ke ri winaqil e ajchak ri’.