Eri Ministro Jiménez xub’ij che ri rajchajinel ri Wokajil Japache’ SP e are kechajin ri’, rech kakib’an ri k’ak’ chajinem pa rachoch ri japache’. Eri ajtaqol b’anoj ya’olchajinem pa qatinamit xub’ij che ri kutaqij ub’anik wa’ juntir pa saqilemal, chi ke ri winaqilal xuquje’ pa suk’ul b’anom, rech uq’atexik ri q’ub’an elaq’nik pa taq ri wokajilal. Rech kaya b’a uchuq’ab’ rei chakunem, rumal ri’ rajwaxik ri winaqil kakib’ij uloq pa le 1518, ri are rech ri taqawokaj ri’. “Eri winaq kakib’ij uloq pa awalik ub’ixik ri’ are la’ keterenb’ex ub’anik pa rachoch ri japache’”, xcha’ ri Jiménez.
Rumal ri’ eri rajk’amal ub’e ri wokajil japache’ SP, Sergio Vela, xub’ij che kab’an jun nim “Uk’exik ri Taqanem pa Japache’”, ri are la’ kak’oji pa k’ak’ rachochib’al, are retalem che jun k’ak’ kajachik kuwach ri e ajpache’ e tz’apilik. Eri patanel ri’ xub’j che ri puq e ajpache’ e k’o 12 ixoqib’ xuquje’ e 96 achijab’ kuwach ri kajach kuwach pa rachoch taq japache’ tz’apib’al xuquje’ ri ajchajin kech.
Are chi’ xb’an ujachik kiwuj rumal xk’is katijoxik, eri rajchajinelab’ ri Rachoch ri Japache’ Tz’apib’al xkib’an jun k’utub’al ri b’anoj chajinem xkich’ob’ ub’anik pa tijob’al, are xkik’ut chi kuwach ri kachal ri kachib’il xe’opan che ri kilik pa le b’anonem ri’.