Eri reqa’lenelab’ ri Subdirección General rech Prevención rech ri Delito (SGPD) rech ri Wokaj Ajchajin Tinamit (PNC), paq’ij kamik waqib’ rech marzo eri jalajoj taq b’anoj q’alanem q’atenik xb’an pa taq rachoch tijob’al rech taq tinamit pa amaq’il. Rumal ri’ e k’o 69 chi e ajtijoxel xetzijob’exik chi rij k’i taq uwachtzijonem, rech xaq taq kakilo uwach taq wujilal pa kematz’ib’ q’aq’nil, rech pixb’enik rech maj b’anoj itzelb’anik pa taq tijob’al xuquje’ rech maj jun kub’an tane’ k’ax chi ke ri ak’alab’ chi ke ri ab’om alitom ri’.
Pa le uq’ijol ri b’anoj taq retz’eb’exik b’anoj tijonem, are la’ kuya kub’alil chi ke ri e ajtijoxel pa taq tijob’al xuquje’ kuk’ ri e ajchajin tinamit. Rumal b’a xk’oji ri a al Leshy, pa le b’anon tzij yakon ib’ xuquje’ rech q’alan ib’, ruk’ wa’ xuwa’lijsaj ri utz taq no’jk’aslemal ub’anik pa kub’al k’u’x kumal ri taq ala, taq ali xuquje’ kumal ri ab’om alitom.
Eri b’anonnem ri’ are la’ xb’an pa rachoch taq tijob’al k’o pa le colonia La Industria, zona 4, xuquje’ ri barrio San Lucas, zona 2 rech Palín, Escuintla, jeri’ pa le El Asintal, Retalhuleu; Flores, Petén, xuquje’ pa Cuilapa, Santa Rosa ri’. Are la’ rech xtaqixik ub’anik ri q’alanem q’atenik chi ke ri ak’alab’ ri ab’om alitom ri’, jeri’ pa uk’aslemaxik ri utzilaj no’jk’aslemal pa le uwokajil rachoch taq tijob’al.
Nim chajinem ri’
Eri wokaj ajchajil tinamit sib’alaj xkib’inisaj b’anoj puqtzukunem chajinik chi rij taq kejach’ich’ chi rij rachoch taq tijob’al ri’, rech uq’atexik ri b’anon k’ax xuquje’ keq’atexik ri ak’alab’ ri’ rech kejo’staj taj kumal nik’aj molaj e b’anol k’ax.
Eri kemon chomanem ri’ are la’ xb’an kumal ri wokaj ajchajin tinamit kuk’ ri wojaj e ajtijoxel rech taq tijob’al rech ya’ik uchuq’ab’ ri ya’olchajinem pa rachoch taq tijob’al keriqitaj pa rulewal tinamit xuquje’ rech katoq’axik ub’anik ri b’anoj b’iw ub’ixik uloq we kab’an k’ax chi ke ri ak’alab’ ri ab’om alitom rech qatinamit.