Eri reqa’lenel taq ri comisarías ri uwokaj sak’ajil taq reqa’lenel ri Wokajil Ajchajin Tinamit (PNC) xkib’an k’i taq puqtzukunem chajinik rech uq’atexik ri b’anoj k’ax ri kakib’an ri k’ax xuquje’ rech pa ya’olchajinem winaqil e aj iximulew. Are la’ utzilaj ub’antajik xb’an ri’, rumal k’ut xechapataj e 50 chi winaqil ri jalajoj uiwach ri k’ax xkib’ano xuquje’ k’o k’aqb’alil xriqitajik maj pa usaqilal.
Are wa’ uwach ri puqchajinem tzukunik xb’an kumal ri wokaj ajchajin tinamit pa ub’inisaxik ri ya’olchajinem, chi rij taq kejach’ich’, pa taq k’olib’al ri k’ax b’e okem, jeri’ pa taq k’olib’al ya’olchajinem pa rech calles, pa le avenidas xuquje’ pa taq ri nimab’e rech Iximulew.
Rumal ri’ xechapatajik e job’ chi winaq pa Petén. Nik’aj chik xechapik are wari’ a Roberto Yacab, a Jorge Cardona, a Caín Pérez, a Anner Hernández xuquje’ a Robinson Tzalam, e are kab’ixik xekamisanik, xe’elaq’nik, xkib’an k’ax xkichap ri alitom, ri ixoqib’ ri’ xuquje’ man xkiya taj xkiq’axe’j ta kipwaq xkitzuq ta kachalal pa kachoh.
Pa le puqtzukunem xb’an pa le nimab’e ruta CA-2 rech pa juyub’al ri aldea El Carmen, Malacatán, San Marcos, xuquje’ pa nimab’e rech le Atlántico, pa juyub’al Las Champas, San Agustín Acasaguastlán, El Progreso ri’, xeriqitaj wi e 124 chi winaqil ri taqom kachapik rumal k’o ri kimak.
Xuquje’ eri wokaj ajchajin tinamit pa le tzukunem xkib’an ri’ xkisolij kiwujil kitzijol 92 chi ch’ich’ rech uq’atexik uq’axik jastaq kakoj pa b’anoj k’ax xuquje’ xkita rilik pa le tzijolil kuk’ ri PNC 84 chi wujilal, rech xechap kanoq ri ch’ich’ ri kejach’ich’ che kab’ixik xeleq’axik. Ruk’ ri solinem xb’anik sib’alaj katajin uya’ik pa jikomal kub’al k’u’x kek’oji wiri’ ri winaqil pa tinamit.