Pa le 6ta avenida 1-22 zona 02 rech Santa Catalina Pinula rech Iximulew, eri reqa’lenel ri Wokajil e Ajq’atel kech Pandillas (DIPANDA) rech ri Wokajil Ajchajil Tinamit e k’o keb’ e q’apoj winaq xkichapo jun 20 ujunab’ eri jun chik 16 ujunab’, aretaq ketajin che usik’ik ri pwaq xkitoq’ij ri’.
Eri xchapatajik are ri al Ashly Arahy Lopez Arista 20 ujunab’, ruk’ ri jun alaj ri’ xkitoq’ij che jun ajk’ayinel ri pa oxib’ junab’ chik xaq katajin kutoj chi ke Q. 200.00 rech toq’inik pwaq tajin xkib’an che ri are.
Rumal b’a’ k’o jun xya’taj ub’ixik ri’ eri tzukunelab’ xkimaj utzukuxik kuwcah ri’ rech kakichap nik’aj b’anol k’ax ri’ aretaq ke’opan che uk’amik ri pwaq tajij kakitoq’ij kumal nik’aj xechapataj we kamik.
Eri xechapatajik ri’ kab’ixik e uwinaqil rech ri clica SPL rech ri Barrio 18 xuquje’ kuk’ ri’ k’o oxib’ chi ch’awb’alil rech eqa’m ruk’ ri pwaq maj pa usaqil keqam b’i ri’.