Eri reqa’lenel ri División Especializada rech Investigación Criminal (DEIC) rech ri Wokajil Ajchajil Tinamit (PNC) xetob’an kuk’ ri q’atol Tzij rehc ri Ministerio Público (MP) paq’ij 22 rech febrero ri’ e k’o oxlajuj chi winaqib’ e elaq’om kakijo’saj winaqi ri’, rumal k’o nim tech’enik sakanik xkib’ano, xuquje’ rumal poq’isan pwaq maj pa usaqil xkichap loq. Chi la’ pa nimatinamit rech Guatemala, Chiquimula, Zacapa, Jalapa, San Marcos xuquje’ pa Chinab’jul.
Eri xechapik e are wari’: a Cristian David Sandoval Rosales, 42 ujunab’; a Kevin Oswaldo Coro Hernández, 21 ujunab’; al Ana Margarita Quezel Martínez, 33 ujunab’; al Sandra Patricia Ruano Chajón, 38 ujunab’; al Rosalinda Francisco Mateo, 42 ujunab’; al Diana Lizeth Martínez Vargas, 30 ujunab’; al Gloria Celeste Oscal Lorenzana, 26 ujunab’; a María del Carmen Linares Pleitéz de Pinto, 52 ujunab’; al Sonia Leticia Lima Barrera, 36 ujunab’; al Karen Gabriela Soto Diaz, 19 ujunab’; al Darlin Marlenee Soto Diaz, 21 ujunab’; a Jonathan Moisés Garavito Vásquez, 28 ujunab’ xuquje’ a Mario René Arriola Leiva, 49 ujunab’.
Pa le tzukunem ri’ eri ajchajin tinamit xkiriq k’ut oxib’ chi parapik ch’aweb’al rech eqamm, jun kematz’ib’ab’al, waqib’ chi wuj rech xkoj pwaq pa pwaqb’al ja xuquje’ oxib’ chi wujil rech kolom pwaq, ruk’ nik’aj chik jastaq maj pa usaqil, are la’ xk’am b’i kumal ri q’atb’al Tzij rech katzukux uwach taq ri’.
Eri tzukunib’al ri’ xuq’alajisaj ub’ixik che ri nik’aj uwinaqil jun molaj b’anol k’ax ri’ are rech xkib’an elaq’ chi ke ri winaqil pa b’iw b’ixik kumal pa uwachwuj pa kematz’ib’ab’alil, rech chi upam k’ut xkitoq’ij wi pwaq chi ke ri winaqil, rech kakijach jun ch’akib’al ri k’ate xkich’ako, rech k’o jun oqxa’n kajach chi ke, rech kaya ri jun kichak xuquje’ rech kakib’an ri kakik’ayij jun ch’ich’ ri’.