Pa le komonchak chajinem tzukunik xb’antaj kumal ri reqa’lenel ri Wokaj Ajchajinelab’ e Ajq’atenel taq ri Pandillas (Dipanda) xuquje’ kumal ri rech ri División Especializada rech Investigación Criminal (DEIC) rech ri Wokajil Ajchajil Tinamit (PNC) are wa’ xuya pa retalil rech xb’antaj kowonem xechapik e oxib’ chi winaqil e b’anol k’ax e pandilleros ri’ pa taq ri tzukunem q’atenik xb’antaj kumal e ajchajil tinamit ri’ paq’ij kamik 17 rech mayo pa nimatinamit Iximulew xuquje’ pa Sacatepéquez.
Rumal k’u ri’ xb’antaj kowonem xchapatajik ri jun ub’i’ a Melvin Estuardo Yoc Méndez, 19 ujunab’, alias “El Gordo”, kab’ixik are uwinaqil nik’aj molaj b’anol k’ax rech ri Barrio 18, are xchap kumal rajtzukunel ajchajil tinamit pa le colonia Lo de Fuentes zona 11 rech Mixco, Iximulew. K’a pa le 15 rech mayo ri’ xtaq uchapik rumal ri Q’atb’al Tzij rech nimatinamit Iximulew, rumal toq’inik pwaq xub’an ri’.
Xuquje’ xb’antaj kowonem xchap loq jun ixoq ub’i’ al Olga Patricia Morales Ávila, 41 ujunab’, kab’ixik uwinaqil ri jun molaj b’ax ub’i’ clica “Raza Chapina”, rech ri Barrio 18, ri are xchap pa le zona 1 rech nimatinamit La Antigua Guatemala, Sacatepéquez ri’. Eri jun winaq ri’ kab’ixik taqom uchapik rumal ri Q’atb’al Tzij rech Chimaltenango, rumal b’anoj taq k’ax, xib’in taq winaq pa tinamit xuquje’ chi ke e ajb’inisal ch’ich’ rech xutoq’ij pwach chi kech ri’.
B’iw b’ixik loq kumal winaqil
Ri a Ángel Samuel Reyes Barrios, 22 ujunab’, are kab’ixik uwinaqil ri jun Mara Salvatrucha, xriqitaj kumal reqa’lenel ajchajil tinami tare chi’ xopan che uk’amik usik’ik jun pisom k’olib’al rilik k’o Q3 mil chi pwaq chi upam, eri pwaq ri’ are la’ xutoq’ij, pa le colonia Eterna Primavera rech ri zona 4 rech Villa Nueva, Iximulew ri’. Keb’ ch’aweb’al xriqitaj ruk’ xuquje’ jun kejach’ich’ ruk’ ri placs rech kab’inisaxik M-581JDH, sib’alaj are la’ xukoj pa le b’anoj k’ax ri’.
Are wa’ xb’antaj kowonem kumal ri e ajchajil tinamit rumal e k’o ri winaq xkib’ij loq pa le 1574 rech antiextorsiones ri’, pa le xya wi ub’ixik utzijiol che k’o jun winaq achi sib’alaj xixib’in chi la’ rech xutoq’ij ri Q8 mil chech jun winaq rech kukamisaj ta ri are ruk’ taq rachalal.