Are wa’ uwach ri cholchak tijonem pixab’nik tajin kumal ri ajchajinelab’ rech ri comisarías xuquje’ ri unidades especializadas rech ri Wokajil Ajchajil Tinamit (PNC), sib’alaj xkib’an ri no’jtijonem chi kech ri ajtijoxel ech ri nab’e, ukab’ xuquje’ urox q’attijonem, rech xeq’alik rech kab’an ta k’ax chi kech ri ak’alab’ kuk’ ri q’apoj ab’om alitom rech ri qatinamit, jeri’ rech ketijox chech uch’ob’ik kakik’am kina’oj rech kakib’ij kakiya utzijol ri k’ax kakilo kab’an chi kech, xuquje’ rech xek’oji kuk’ ri winaqilal pa chomanem.
rumal ri’ eri reqa’lenel ri División rech Seguridad Turística (Disetur) rech ri PNC, xkitzijoj chi kech ri e ajtijoxel rech rachoch tijob’al ub’i’ Escuela Oficial Rural Mixta Pacaja xuquje’ pa le rachoch ri tijob’al rech Escuela Oficial Rural Mixta Xepache, k’o pa rulewal tinamit Xe’laju’, rech taqim kaq’atexik ri ak’alab’ ri q’apojil ech keqaj ta pa le k’ax ri’ xuquje’ rech kape ta ri ka’x chi kij tane’ we kakitijo we kakik’ayij ri awan kunab’al. Eri q’alanik ri’ are la’ kab’an pa uq’ijol upatanexik ri Cholchak rech Q’atenik B’anoj K’ax ri’, rumal ri Disetur 2023.
Xuquje’ are wa’ uwach ri Cholchak ub’i’ Programa rech Educación xuquje’ Entrenamiento rech Resistencia chi kuwach ri Pandillas (GREAT, ub’i’ inglés tzij), eri reqa’lenelab’ ri Subdirección General rech Prevención rech ri K’ax (SGPD), xkib’a jalajoj taq b’ano’nem retz’eb’exik katijoxik ri e ajtijoxel rech rachoch taq tijob’el rech Camotán, Chiquimula; rech xkino’jij xkina’ojij ri ak’alab’ taq ala taq ali ri ab’om alitom rech keqaj taj pa kaq’ab’ ri nik’aj molaj b’anol k’ax.
Ri komon q’atenik chajinem ri’
Eri komonchak kumal ri ajchajil tinamit kuk’ ri e ajtijonel rech rachoch taq tijonem are la’ xuya uchuq’ab’ ri b’anoj chajinem q’alaniik xb’an pa rachoch taq tijob’al rech pa rulewal qatinamit.
Chi rij rachoch taq tijob’al ri’ sib’alaj xe’ok e k’i ajchajinelab’ ri’. Xuquje’ eri ajchajil tinamit ri’ che kaqan, chi rij kejach’ich’ xuquje’ ketajin che ub’inisaxik uwach ri chajinem chi kech ri ajtijoxel ri’ rech xkiq’atij ri ak’alab’ ketijoxik rech keqaj taj pa kaq’ab’ b’anol k’ax xuquje’ rech pa le kachajixik ri e ajtijoxel pa konojel ri’.