Taqim uk’amik b’i ki’kotemal chi ke taq ala taq ali ri e meb’a’ pawe qatinamit, pa k’isb’al wuqq’ij ri’ eri reqa’lenel ri Wokaj Ajchajinelab’ e Q’atenel taq Pandillas ub’i’ (Dipanda) rech ri Wokajil Ajchajil Tinamit (PNC), xkipatenij ri Ch’ob’ol Chak ub’i’ “Manos que Ayudan” ri’.
Rumal ri’, eri reqa’lenel ri Departamento rech Personal, Apoyo xuquje’ Logística, xkijach k’i taq etz’ab’a’l chi ke ri ak’alab’ rech ri sector 1, colonia San Martín, zona 6 de Chinautla ri’. Jeri’ pa le tzaqob’al mes ub’i’ El Durazno ri k’o chi la’, eri reqa’lenel ri ajchajil tinamit kiterenb’em ujachik k’i sipanik xuquje’ wa/rikil chi ke ri winaq e achk’ulja ri e meb’a’.
Eri reqa’lenel ri Dipanda, xub’an jun nim tob’anik chi ke ri winaq e achalalil che ri e k’o pa le aldea Plan de la Cruz, rech San Pedro Pinula, Jalapa ri’.
Xuquje’ pa le aldea Magnolia, Chuatuj, rech Coatepeque, Xe’laju’, eri reqa’lenel e ajchajil tinamit xkijach kab’ xuquje’ xkib’an jun riqon ib’ kuk’ ri ak’alab’ ri e meb’a’ rech chi la’ k’ut.
Eri q’atb’al Tzij rech ajchajil tinamit xkitzuj che ri winaqib’ rech taq ri aldeas ri’ sib’alaj xkimaltyoxij ri tob’enik xya chi ke ri’.