Kab’an ri nimaq’ij ri’ rech kab’an jun riqb’al ib’ kuk’ ri winaqilal ri’, rumal ri’ eri Tercer Viceministro Carlos García Rubio, xe’utaq ri reqa’lenel ri Subdirección rech Q’atel k’ax, rech xkib’an nimaq’ij rech “Kiq’ij ri Ak’alab’”, pa le Asentamiento 24 rech Diciembre, Coliseo Deportivo Erick Barrondo xuquje’ pa le Cementerio la Verbena ri’.
“Pa ub’i’ ri Ministro rech Gobernacióon xuquje’ ri Tercer Viceministerio ri’, kaqataq b’i jun nim rutzil kuwach pa le kiq’ij we kamik ri’, kamik k’ut kaqab’an kanimaq’ij rech kiq’ij xe’alaxik chi jujunal ix, k’o retz’b’axik tijonem kab’an ri’ xuquje’ kab’an jujun taq etz’anemb’alil ri, are la’ rech pa kub’al k’u’x kakina’o ri’, eri Wokajil Ajchajil Tinamit ri’, pa amaq’el kechajin chi ke xuquje’ rech keniman chi ke ri’”, xcha’ ri García Rubio ri’.
Pa saqarib’al ri’ are chi’ k’o etz’anem xb’antaj kuk’ ri taq ak’alab’ rech ri Asentamiento 24 rech Diciembre, chi’ k’ut xkiya’ tipb’al, wotz’ib’al xuquje’ q’alb’al wa xya’ chi ke e 85 chi taq ala, chi ke taq ali ri’. Xuquje’ chi ke ri taq ak’alab’ rech ri Cementerio la Verbena, xya’ q’alb’al kiwa ri’ xuquje’ xb’an jalajoj taq etz’anemb’alil, ruk’ uk’utunik xkib’an chi taq e ajyakol tze’nik ri’ xuquje’ rumal ri eqa’lenel Lesh.
Xuquje’ pa le Coliseo Deportivo Erick Barrondo ri’, xb’an wi komonchak ri’ ruk’ ri Ministerio rech Cultura xuquje’ Deporte, rech xb’an jun k’utb’al rech magia, xetatab’en chi’ ri eqa’lenel Lesh xuquje’ ri taq e ajtze’ab’, ruk’ kitob’anik reqa’lenel ri Q’atel k’ax ri’, chi la’ k’o k’i jastaq xesipaxik xuquje’ chi’ xek’oji wi e 60 chi taq ak’alab’, ri xkib’an unimaxik ri saqab’isab’al ib’ rech uq’atexik ri COVID-19 ri’.