Eri viceministro rech q’atenik k’ax, Carlos García Rubio, xtatb’enik pa le utz’apixik uwach ri cholchak rech Servicio Civil Social chi ke e q’apojab’ rech ri uq’ab’ tinamit rech Villa Nueva, ri xek’oji wi e 194 chi ixoqib’ xuquje’ 86 chi achijab’ ri’.
Eri cholchak xmajtaj loq pa le 17 q’ij rech mayo xuquje’ ri xk’isik pa le 22 q’ij rech septiembre ri’, are la’ xnajtib’ 728 chi kajb’alq’ij, pa taq le q’ijol ri’ eri e q’apojab’ e are xetijoxik chi rij jalajoj uwach tijo’n xuquje’ are la’ xketaj ub’anik ri xkich’ob’o xketa’maj, ruk’ wari’ are xkich’ako rech ketoj Q7 mil 280 chi pwaqil rech amaq’ Iximulew rech ri patan kakib’an ri’.
Eri García Rubio, xub’ij che we jun ch’ob’otal chak ri’ are la’ xtob’anik pa le tijonem xb’an chi ke ri e ajtijoxel, ri xb’an chi ke rech xeb’e pa eqa’lenem chajinik pa taq katinamit, are karetaj ub’anik ri tob’anik xkib’an pa taq katinamit ri’.
«Are wa’ jun nimab’anoj chak xb’an pa komon taqawokajil ri’, ri Villa Nueva katajin che uya’ik jun utz k’utb’al rech q’atenik k’ax, rumal ri’ xya’taj jun uwujilal rech retalil ri loq’ b’anoj ri’ xuquje’ ri k’uttijonem chi ke ri e 79 e q’apojab’, rech e are k’ut kakijipij ub’ixik ub’anik ri’ xuquje’ are la’ sib’ala utz kalatz’ib’ kuwach pa taq le b’anoj chakunem ri’ rech pa jikomal kab’an ri tijonik ri’» xuq’alajisaj ub’ixik ri viceministro ri’.
Eri Justin Taqué 19 ujunab’, ajtijoxel pa le cholchak ri’, ri are kub’ij are wa’ k’o nim upatanib’al rech kab’an wa’ ri k’utb’al taqkil rech patan ri’, rumal k’ut are wa’ kuya’ jun k’ak’ eta’mab’al pa kik’aslemalil ri’ xuquje’ are la’ kuya’ jun utz eta’mab’alil chi ke e q’apojab’ ri’ rech are la’ kakikojo aretaq kakiriq kichak pa we amaq’.
«Xinch’ob’ in jalajoj taq b’anoj chakunem jacha’ ri b’anoj primeros auxilios, rech reta’maxik b’anoj k’utb’e, xinweta’maj ri chak kakib’an ri reqa’lenel ri Policía Municipal ruk’ uch’ob’ik nik’aj chik, rumal ri’ sib’alaj kinki’kotik» xcha’ ri Taqué.