Aretaq k’o jun winaq pa awalik xub’ij loq utzijol ri’, eri reqa’lenel ri Subdirección General rech Q’atil k’ax ri’ rech ri Wokajil Ajchajil Tinamit (PNC), pa komonb’al kuk’ ri reqa’lenel ri comisaría rech Chuwi’meq’ina’, k’o jo’ob’ mil raqan chi ichaj rech marihuana xkiraq loq, pa le Paraje Racana rech ri Aldea Xequemella rech ri rulewal tinamit rech Momostenago ri’.
Eri ajno’jinel antinarcóticos rech ri PNC, xkib’ij eri jun peraj tiko’n ri’ eri rajil are jun q’inomal uwach chi pwaqil ri’ ri k’a te majom b’i resaxik, are wa’ xporoxik che ri xraqataj wi loq.
Eri jun peraj tiko’nib’al ri’ pa taq chinoj tikolik xraqataj wi loq, jeri’ kib’anom utikik kumal narcotraficantes rech majun q’atb’altzij kakil tane’ ri’.