Pa le tinamit rech Morales pa rulewal tinamit rech Izabal, eri Wokajil Ajchajil Tinamit (PNC) chi’ ukojom wi jun jachakunb’al rech terenb’al rilik ri Estado de Sitio ri’ ri xtaq ukojik rumal ri K’amal b’e Amaq’il pa jo’ob’ tinamit rech rulewal taq ri tinamit rech Izabal xuquje’ Alta Verapaz ri’.
Chi’ k’u ri’ xechapataj wi loq e wuqub’ chi winaq ri’, e jo’ob’ xeraqatajik ketajin che b’anoj k’ax, xuquje’ e k’o 200 chi ch’ich’ xsolix kuwujil xuquje’ 104 chi kejch’ich’ ri’.
Xuquje’ e k’o 350 chi winaqil xsolix kuwujil, e 62 k’o pa saqil kib’antajil, xuquje’ k’o 33 mil chi raqan ichaj rech Coca xraqataj loq kumal reqa’lenel antinarcóticos ri’.
Eri Estado de Sitio ri’ katajin pa jo’ob’ tinamit e k’o 519 chi eqa’lenel ajchajil tinamit rech ri PNC ketajin che ya’olchajinem ri’ jeri’ e k’o 77 e ajchajinelab’ rech ri jalajoj taq jachakunb’al ri’ keraqataj pa ya’olchajinem ri’.