Eri q’atb’al tzij rech iximulew xuquje’ el Salvador xemolin kamik pa le nab’e riqon ib’ ri keb’ amaq’il ri’ pa le uk’olib’al chajinem pa k’ulb’a’til rech Valle Nuevo pa le kilómetro 129 rech ri nimab’e CA-8, Jalpatagua, Jutiapa ri’. Are la’ rech xkitaqij ya’ik uchuq’ab’ ri kemon tob’anem uloq kumal ri amaq’ib’ xuquje’ rech ri b’anon chajinem winaqil e wa’katel pa rulewal taq ri keb’ tinamit.
Eri Ministro rech Gobernación rech Iximulew, Francisco Jiménez, are xuk’am ub’e ri b’anon chomanem, ri xub’ij wi uloq che k’o nim upatanib’al ri riqonem ib’ rech kub’sib’al k’u’x kachajixik ri winaqil e wa’katel pa rulewal tinamit, sib’alaj k’o nim upatanib’al ri chajinem rech kechajix ri winaqil kewa’katik e aj iximulew kuk’ ri kepe naj ri’ pa le awas q’ij ri’. Xuquje’ rech xutzijoxik ri chajinem kab’an ne ri’.
Rumal ri’ eri taqawokajnel rech ri Q’atb’al tzij pa Tinamit rech El Salvador, Gustavo Villatoro, xub’ij chi k’o nim upatan ri kemon banoj chakunem rech keq’atxik ri winaqil keb’el ri’ pa rulewal ri keb’ nimatinamit, rech kechajixik ri winaqil ke’opan pa El Salvador jeri’ chi’. Xuquje’ xub’ij eri k’amoj k’amq’ab’ chakunem ri’ are la’ k’o jun nim upatan chi ke ri e achalalil, ri e wa’katel xuquje’ pa taqawokajilal.
Eri xek’oji pa le riqb’al ib’
Pa ub’i’ Iximulew, xk’oji ri Primera Viceministra rech Seguridad, al Claudia Palencia; ri Quinto Viceministro rech Antinarcóticos, a Wener Ovalle; ri K’amal Ub’e ri (PNC) a David Custodio Boteo xuquje’ ri K’amal Ub’e ri Instituto Guatemalteco rech Turismo (Inguat), a Harris Whitbeck ri’.
Pa ub’i’ Amaq’ Nimatinamit El Salvador xek’oji ri Ministra rech Turismo, al Morena Valdez; ri K’amal Ub’e ri Wokaj e Ajchajin Tinamit, a Mauricio Arriaza Chicas xuquje’ ri K’amal Ub’e rech Migración xuquje’ Extranjeía, a Ricardo Ernesto Cucalón.
Ri b’anon cholchajinem
Eri K’amal Ub’e ri PNC, a Custodio Boteo, xuya utzijol che xkoj ri Cholchajinem ub’i’ “Caravana Turismo Seguro”, rech keto’ik ri winaqil, rech maj jun k’ax kakiriqo xuquje’ kijastaq meb’il ri e wa’katel winaq salvadoreños ri’ che ri ke’ok uloq pa le kajib’ kulb’a’til ri’. Xuquje’ xub’ij rech kab’an ri uchajixik ri k’olib’em che ri qas kek’oji wi ri winaq e centroamericanos pa le q’ijol ri’ pa rulewal ri tinamit.
Are wa’ uwach ri cholchajinem xmajtaj ub’anik uloq kumal e 600 chi e ajchajil tinamit pa taq ri k’ulb’a’til rech amaq’il rech Valle Nuevo, Jalpatagua; Ciudad Pedro de Alvarado, Moyuta; San Cristóbal Frontera, Atescatempa, Jutiapa, xuquje’ ri aldea La Ermita, Concepción Las Minas, Chiquimula ri’.
Pa taq ri k’olib’alil ri’, eri wokajil ajchajin tinamit xkib’an rilik kiwujilal kitzijol ri winaqi’ rech xe’ilik we man taqom ta kichapik, jeri’ xkisolij ri ch’ich’ b’inisam kumal winaq rech xilik we man k’ot Itzel jastaq keqam b’i ri’, rech pa le kub’sib’al b’anoj chajinem chi ke ri winaqilal pa tinamit.