Are taqim k’ut ya’ik uchuq’an’ ri ya’olchajinem xuquje’ ri utzalaj kanimaxik ri winaqilal rech taq ri aldeas Tecojate xuquje’ El Semillero, pa Nueva Concepción, Escuintla, pa k’isb’al wuqq’ij kanoq xejaq keb’ uwach rachoch chajinem ri Wokajil Ajchajin Tinamit (PNC). Eri cholchak ri’ are la’ kupaqab’isaj kajilab’al kuwach ri wokaj ajchajin tinamit pa taq ri juyub’al k’olib’em pa tinamit.
Eri K’amal b’e rech ri PNC, tat David Custodio Boteo, are xuk’am ub’e ujaqik uwach ri kojemtzij ri’, chi’ k’ut sib’alaj xub’ij wi che ri wokajil are ajchajil ri kik’aslemalil ri winaqilal, ri kawinaqil xuquje’ ri kimeb’il ri’ kuk’ ri winaqilal ke’opan pa ch’ab’enik chi’. Xuquje’ sib’alaj xuya ub’ixik chi k’o nim upatanib’al ri b’anoj chajinem pa Escuintla xuquje’ pa taq nik’aj chik k’olib’em uxlanib’al pa rulewal ri tinamit Iximulew.
Pa le jujun taaq ri k’ak’ subestaciones rech ri PNC ri’ kek’oji wi jun puq rech e juk’al keb’ pa kajib’al ri e ajchajin tinamit, ruk’ taq kik’ejach’ich’ xuquje’ ri kichakub’al rech ri ya’olchajinem winaqilal. Rumal k’ut eri kachoch ri e ajchajinel ri’ sib’alaj jarinaq chik kechakun wi, jarinaq chik kakichomaj wi ri winaqil, jarinaq chik kewar wi, jarinaq chik ri b’anb’al kiwa xuquje’ ri kech’ajoman wiri’ are la’ rech k’ak’ chik ri kek’oji wi kechakun wiri’.
Eri tat Boteo sib’alaj xub’ij eri ukojik ri k’ak’ taq kachoh ri wokajil e ajchajin tinamit are la’ retalil ri nimachak nimanem tajin ub’anik rumal ri K’amal B’e Amaq’ Bernardo Arévalo, pa le Ministerio rech Gobernación (Mingob), pa le unimarisan ri ya’olchajinem winaqilal pa tinamit.