Are b’a taqim uq’atexik ri k’ayin awan kunab’al chi ke winaq ri’, rumal ri’ eri reqa’lenel ri Subdirección General rech Análisis rech Información Antinarcótica (SGAIA) rech ri Wokajil Ajchajin Tinamit (PNC) pa uto’ik ri Ministerio Público ri’ (MP), rumal ri’ xkib’an paq’ij kamik k’i taq tzukunem pa tinamit rech Suchitepéquez ri’.
Pa jun puqtzukunem xb’antajik xchap wi uloq a Antulio Ávila 25 ujunab’, pa le zona 1 rech Samayac. Pa le nimaja xtzukuxik xriq wi uloq 14 chi rab’arik awan kunab’al cocaína, ruk’ keb’ ch’aweb’al ilob’alil xuquje’ ruk’ Q1 mil 595 chi jab’ataj chi pwaq ri’.
Rumal ri’, eri a Boris Joaquín Mejía, 22 ujunab’, xuquje’ a Víctor Manuel Hernández, 49 ujunab’, xechap ri’ pa jun puqtzukunem xb’an pa le zona 2 rech Mazatenango ri’. Chi’ k’u ri’ eri wokajil ajchajil tinamit xkiriq 15 uware rachib’al k’olib’al ruk’ cocaína xuquje’ ruk’ 15 pisoj ruk’ ab’aj rech ri crack ri’.
Eri nik’aj winaq ri’ xechapik xek’am b’i pa q’atb’al tzij rech kachomax chi rij ri k’ax xkib’ano. Eri awan kunab’al xriqitaj ri’ xpis b’i kumal ri q’atb’al tzij rech kakitzukuj juntir utzijol ri’.