Eri reqa’lenel ri Subdirección General rech Análisis rech Información Antinarcótica (SGAIA), rech ri Wokajil Ajchajil Tinamit (PNC), pa le keb’ q’ij ri’ xkiporoj 23 mil 454 raqan ichaj tiko’n awan kunab’al rech marihuana ri utz chik keche’xik, eri rajil are Q8 millones 828 mil 375 xkiporooj k’a te kanoq, pa taq ri puqchajinem tzukunik xb’an pa taq ri k’olib’al winaq rech Chuwi’meq’ina’ xuquje’ rech taq San Marcos ri’.
Pa oxib’ peraj juyub’ rech awan tiko’n ri’ xporox pa le 25 rech we ik’ pa le caserío San José Siguilá, Momostenango, Chuwi’meq’ina’. Chi la’ k’ut xriqitaj wi uloq 6 mil 950 raqan uchaj rech awan kunab’al marihuana, eri rajil are Q2 millones 606 mil 250 chi pwaq ri’.
Jeri’ paq’ij 25 rech marzo xporoxik pa kajib’ uwach peraj juyub’ awan tiko’n pa le caserío Agua Caliente, Sipacapa, San Marcos, chi la’ k’ut eri e ajchajil tinamit xkiqupij 16 mil 595 raqan ichaj tiko’n rech marihuana, eri rajil are Q6 millones 223 mil 125 ri’.
Xub’ij ri’ e pa enero k’a pawe q’ij ri’ eri SGAIA xuqupij xuporoj 184 mil 903 raqan chi ichaj marihuana ri’, jeri’ jun 1 millón 490 mil 240 raqan ichaj rech amapola xuquje’ 338 mil 168 chi ichaj rech coca, pa jalajoj taq peraj juyub’ rech pa rulewal qatinamit.