Eri Ajtzukno’jchak ri’ sib’alaj xkib’ij sib’alaj ketajin che kiriqik ixoqib’ ri’

Qastzij b’a’ ya’tal ronojel anima’ pa aninaqil ketzukux ri ixoqib’ e sachinaq ri’ rumal ri’ ya’om kitzijol pa le Alertas Activas rech Isabel Claudina, eri reqa’lenel ri División Especializada rech Investigación Criminal (DEIC) rech ri Wokajil Ajchajil Tinamit (PNC), sib’alaj xkiya’ ub’ixik che e k’o lajuj chi ixoqib’ xkiriq loq ri kab’ixik xesachik.

Eri jujun chi ke k’ax kiriqom ri ixoqib’ rumal ri’ e xkisach kib’ naj che ri kachoch are rumal b’anoj xb’an k’ax chi ke kumal kachalalil, pa taq kachoch rumal ri’ man k’ot xkib’ij kanoq xb’e pa taq nik’aj chik tinamit.

Eri rulewal tinamit che ri qas e sachinaq wi ri ixoqib’ ri’ are pa Izabal, Zacapa, pa Nab’ajul, pa Suchitepequez, pa Tz’oloja’, Jalapa xuquje’ pa Chiquimula ri’.

Pa le kiriqik uloq ri ri’j winaq ri’ e k’o keb’ achijab’ xeriqitaj uloq kab’ixik e sachinaq ri’ kanoq.

Jeri’ kab’ixik e k’o b’elejeb’ chi taq ala, taq ali xuquje’ e q’apoj alab’om alitom xeriqitaj uloq ri ya’om kitzijol pa le Alertas Alba Kenneth, ri e sachinaq ri’ kanoq, ya’om kitzijol kumal e ajchajil tinamit, rumal b’anoj ch’a’ojinik ruk’ kik’ulajil xuquje’ kuk’ ri kachalalil eri e ak’alab’ ri’ e k’o xetaq b’i kuk’ le kati’t kimam kitat nan ri kitat nan ri’,  e k’o nik’aj chik xel kanoq ruk’ le kinan nik’aj chik ruk’ le kitat.

Eri e k’ajolab’, alab’om alitom, taq ala xuquje’ taq ali, xeriqitaj ri’ pa Jalapa, Zacapa xuquje’ pa  Xe’laju’ ri’.

Eri kitzijolil xya’taj loq pa le ik’ rech marzo rech ri 2021, chi’ k’u ri’ eri reqe’lenel e ajchajin tinamit ketajin k’ut che kitzukuxik ri ixoqib’ xuquje’ ri taq ak’alab’ che ri kab’ixik e sachinaq ri’.

Wexa’ k’o jun pa aninaqil katzukuxik eri winaqil kekowin b’a’ ke’opan pa le PNC rech kakib’ij che k’o ri xsachik xuquje’ kekowin k’ut kakib’ij uloq pa le 110, xuquje’ ya’talik kakib’ij pa le Ministerio Público ri’.

Noticias Recientes