Are taqim k’ax ta resaxik chikkab’anik ri wujilal antecedentes policiales chi ke ri winaqil e aj iximulew, rumal ri’ eri Ministerio rech Gobernación pa komonchak ruk’ ri Cuarto Viceministerio rech Tecnologías rech ri tzijolil xuquje’ ri tzijob’en ib’ ri’, xukoj ri’ pa le ik’ rech octubre rech kesaxik chik ri wujilal pa le uwachwuj k’amq’aq’nil, ri pa taq le q’ij ri’ qast utz ub’anik pa aninaqil tane’ uya’ik ri wujilal ri’.
We kamik ri’ eri winaqil che ri kakaj kakesaj ri wujillal antecedentes ri’ pa uwachwuj k’amq’aq’nil, ya’tal ri’ rech ke’ok pa le sitio web’ rech ri Ministerio rech Gobernación www.mingob.gob.gt ri kakiriq wi rech ke’ok pa le página https://policiales.pnc.gob.gt/ ri’.
Eri nab’e retal ri’ are kakiketerenb’ej utz’ib’axik kitzijol ri winaq ri’, jacha’ ri rajilanem kiwujil rech kitzijol ri’ (DPI), uq’ij rech kalaxib’al, le correo electrónico xuquje’ jun contraseña ech ujaqik uwach jun usuario ri’, eri tzijol are kub’ij loq pa saqil rumal ri Registro Nacional de Personas (RENAP), rech katerenb’ex resaxik ri wujil ri’, rech te k’u ri’ katzalix ri retalil pa le jun correo rech k’o pa ujikomal ukojik ri usuario ri’.
Eri jun chik uq’axik resaxik ri’ eri winaqil ka’ok ruk’ ri usuario xuquje’ ruk’ ri ucontraseña ri’, kano’jisax ruk’ ri tzijol jacha’ ri rajilab’al pa le boleta bancaria tojom chik eri rajil are Q30.00 chi pwaqil pa jun agencia bancaria ri’ rech ya’tal ri’ katojik pa le banca pa uwachwuj k’amq’aq’nil, ruk’ utz’ib’axik ri rajilab’al rech ri tz’ajom tz’ib’atal pa le boleta xuquje’ ri uq’ij rech xya’taj ri’.
Rech te k’u ri’ pa utukel chik eri usuario kuk’am pa le ucorreo electrónico ri’, ri rantecedentes policiales pa versión PDF rech katz’aj loq pa wujil ri’, are kilik we qastzij ri are ri wujil ri’.
Eri Wokajil Ajchajil Tinamit ri’ (PNC) k’a pa le lajuj q’ij rech octubre rech ri junab’ 2020 xukoj ri plataforma rech resaxik ri wujil antecedentes policiales pa uwachwuj k’amq’aq’nil ri’, are la’ rech kanimax ri taqanem tzij taqom ukojik pa we amaq’ rech are k’ot chik titz’oj ib’ kumal ri winaqil ri’ xuquje’ rech uq’atexik ri jun itzel yab’il rech ri Coronavirus COVID-19 ri’.
K’a pa le nab’e q’ij rech enero k’a we q’ij kamik, are chi’ xkoj ri plataforma ri’, eri rajilab’al ri kitz’ib’am chik kib’ e k’o ri’ 625 mil 444 usuarios xuquje’ eri kesam chik ri wujilal ri’ eri kesam chik ri wujil ri’ k’o chik 678 mil 809 pa rajilab’al ri’ rech taq ri wujil antecedentes pa le uwachwuj k’amq’aq’nil.
Are wa’ ri rajwaxik:
Chatok pa le link: policiales.pnc.gob.gt
1. Rajwaxik chatz’ib’aj ab’i’ atzijol ri’ kata’ik
2. Chawila’ a’usuario pa acorreo electronico xya’ chawe
3. Chatok ruk’ awusuario rech kata ri awantecedentes policiales
4. Chaya clik pa le opción “MENÚ” xuquje’ chacha’o ri opción “Antecedentes”
5. Chatz’ib’aj ri rajilab’al ri k’o pa le boleta xuquje’ ri rajilab’al rech referencia ri’
6. Kataq loq chawe jun correo rech katz’aj uwach ri wujilal antecdentes ri’
7. Chaya clic ri kub’ij wi “Imprimir mis antecedentes” ri’
8. Chatz’ib’aj ri utzijol ri usuario xjaqik
9. Te k’u ri’ kawilo uwach nab’e na pa PDF ri wujilal antecedentes policiales ri’
10. Chawila’ we are ri código QR ri awujil antecedents pa le link: policiales.pnc.gob.gt/prepoliciales2/validación
11. Are kub’ij chawe we utz are utz ri awujil ri’.