Eri b’anoj tzukunem pache’ tz’apib’al rech Q’antel are rumal xtzukux uwach jun b’anoj kamisanik ri’

 

K’o b’ilob’al uq’aq’ ch’awib’alil, k’o tzam, k’o 154 uk’olib’alil ruk’ marihuana, k’o jun ral pajb’al crack xuquje’ k’o keb’ pajb’alil rech keqaxik, xeraqataj pa japache’ tz’apib’al rech Q’antel, pa Xe’laju’ ri’, are wa’ xb’antajik pa utzukuxik uwach jun b’anoj kamisanik b’anom ri’, are wa’ utzijol xuya’o ri k’amal b’e amaq’ ri’, Alejandro Giammattei Falla.

“Pa kab’ajik kanoq k’o jun xkamisax kumal keb’ b’anol k’ax ri’ xuquje’ are wa’ xq’alajinik pa jun ch’awib’alil jun tzijonik ruk’ jun ajpache’ k’o pa Q’antel ri’, rumal ri’ xb’an ri tzukunik chi’”, xcha’ ri Giammattei Falla.

Xuquje’ eri awan kunb’alil ruk’ ri nik’aj chi jastaq xraqataj ri’, xuquje’ k’o jun xya’taj ub’ixik che jun winaq tz’apil pache’ ri’ ub’i’ Marvin Leonel García Monzón, 26 ujunab’ uq’ab’em b’i’ are “El Alacrán”, rumal ruk’ ri are xraqataj wi jun ch’awib’al.

Eri García Monzón katajin che utojik umak rech 37 junab’ ri’ rumal k’o kamisanik ub’anom ri’, xuquje’ we kamik kutoj b’i jun chik umak rumal jastaq maj pa usaqil xraqataj ruk’ pache’.

Eri b’anoj tzukunik ri’ kumal reqa’lenel ri Wokajil Ajchajil Tinamit (PNC), jeri’ kumal rajchajinel ri Sistema Penitenciario xuquje’ kumal ri q’atol tzij rech ri Ministerio Público ri’.

Alerta de Corrupción

Ultimas noticias