E reqa’lenel ri Wokajil Ajchajil Tinamit (PNC) ruk’ katob’anik rajchak ri Ministerio Público pa k’i b’anoj tzukunik che ri xb’an pa le zona 18, chi’ k’u ri’ xechap wi loq e oxib’ b’anol k’ax rech ri pandilla rech ri Barrio 18.
Pa le nab’e xchapik ri’ are ri’ jun ala 16 ujunab’ ri kab’ix che “Volcancito”, pa jun ja k’olib’al k’o pa le colonia Las Brisas, San Pedro Ayampuc, kumal reqa’lenel ri Sección Contra Homicidios rech ri División Especializada en Investigación Criminal (DEIC) ri xq’alajinik che are jun kamisanel rech ri clica “solo raperos” rech ri mara 18.
Eri jun chik xchap loq are ri’ a David Moisés Rosales 19 ujunab’, alias “El Chino” kab’ixik are uwinaqil ri mara 18, kab’ixik eri umak are kamisanik ub’anom, ri are xchapataj loq pa le colonia El Limón, zona 18 ri’, pa uterenb’exik ri tzukunik chi rij jun ajb’inisal ch’ich’ xkamisax ri’, pa Canalitos zona 24, pa le 23 rech agosto rech ri 2018.
Pa k’isb’al ri’ pa le tzukunem ya’olchajinik xb’an kumal ajchajil tinamit we kamik, pa okib’al ri residenciales Los Olivos, pa le zona 18, a Brayan Vinicio Pol Del Cid Fajardo 22 ujunab’, kab’ix che “El Negro” uwinaqil ri mara 18, chi’ xchap wi rumal kab’ixik k’o kamisanik ub’anom xuquje’ are xtaq loq uchapik rumal q’atb’altzij rech pa Nimatinamit Iximulew pa le 22 rech enero rech pa junab’ ri’.