Paq’ij kamik pa ya’ltzijolinem b’ixik che ri xb’an pa le rachoch ri Ministerio Público (MP) chi la’ k’ut xopan wi ya’ik b’ixik ri chakum chik rumal ri Centro Interinstitucional rech Uq’atexik ri Narcotráfico pa Iximulew ri’ (CICNAJ) pa le junab’ 2022 ri’. pa le b’anowem ri’ are jun xk’oji ri Quinto Viceministro rech Gobernación, Fernando Rodas ri’; ri Fiscal General rech ri Ministerio Público, María Consuelo Porras ri’; ri Subdirector General rech ri Subdirección rech Análisis rech Información Antinarcótica (SGAIA), Helvert Beletón ri’, xuquje’ ri k’amal b’e taqanel rech ri Ministerio rech ri Defensa, Carlos Norman ri’. Eri CICNAJ ri’ tajin che uq’atexik uwach ri narcoactividad ri’.
Eri Viceministro Rodas xub’ij che ri chakum kumal ri wokaj taqawokajil ri’ k’o nim upatanib’al che we Iximulew ri’.
Rumal ri’ e chapom chik winaq e narcotraficantes ri’, rech kaq’atexik ri k’ayin awan kunb’al pa tinamit, rech kariq awan kunb’al xuquje’ pwaqil maj pa usaqil upetib’al, xuquje’ rech katulisax uwach taq kiqajib’al xik’ach’ich’.
Xuquje’ k’o k’i taq ja k’olib’al tulisam chik uwach rech narcolaboratorios lxuquje’ usachik uwach tiko’n awan kunb’al ri xporox ri’.
Eri q’atb’al tzij xkib’ij che ri e chapom e q’atim chik wuqub’ chi molaj b’anol k’ax rech ri narcotráfico ri’. xuquje’ tulisam chik 17 awan kiqajib’al xik’ach’ich’. Eri SGAIA xub’ij chi k’o awan kunb’al riqom chik pa taq nimab’e, pa uwi palow xuquje’ ri petinaq pa kaqiq’ reri rajil pa juntir ri riqom are Q503 200 060 chi pwaqil. Jeri’, k’o tiko’n rech awan kunb’al q’atim porom chik uwach eri rajil are Q2 319 458 255.00 chi pwaqil.
Eri chak b’anom rumal ri SGAIA pa taq puertos xuquje’ aeropuertos uya’om pa retal rech riqom chik oxib’ chi nima’q taq eqa’nib’al rech awan kunb’al ri’. Eri chakum chik rumal ri Centro Interinstitucional ri’ are k’o jun nimq’atenik ub’anom chi ke ri narcotráfico pa Iximulew ri’.