Eri winaqil rech ri albergue e are e k’o pa le colonia La Verbena, zona 7 rech pa uk’u’x nimatinamit, are ketzuq pa le comedor móvil ri k’a te xkoj chi’ rumal ri tercer viceministerio, Carlos García Rubio, pa komonchak ruk’ ri Ministro rech Desarrollo Social, Raúl Romero.
Eri comdeor ri’ are xumaj uchak upatan chaq’ab’ rech pa 29 rech septiembre kanoq, are chi’ xuya’ rexq’eqal wa’im chi ke ri e b’inel winaq pa tinamit ri’ are tzuqunik ri’ kub’an k’a pa k’isb’al junab’ ri’, ruk’ uya’ik kiwa winaq ri’ le xa’ sipam chi ke ri’.
Eri García Rubio xub’ij che chomatal chik rech kejaq nik’aj chik rachoch tijob’al wa pa nimatinamit ri’, chi’ k’ut ch eri qas keriqitaj e k’i e ajb’inel winaq pa tinamit ri’, jacha’ pa le zona 1.
«Pa le albergue ri’ ke’opan wi ri winaqil ri maj kachoch, maj kachalal, maj kiwa, xuquje’ chi’ keto’ wi keno’jix wi rech kakitij ta chik awan kunb’al xuquje’ ri tzam. Are wa’ kojtajin che ub’anik pa komonchak ruk’ ri jalajoj taq wokajil ri’ rech kojtzijon kuk’ ri winaqil ri’ xuquje’ ri e are la’ keqatzukuj loq» xcha’ ri viceministro ri’.
Eri taqawokajil rech ri Desarrollo Social, Raúl Romero, xuki’kotirsaj kiq’ij kuwach ri q’atb’al tzij rech ri Ministerio rech Gobernación, rumal ketajin che upatanaxik ri cholchak ri’ rech are la’ katob’anik rech uq’atexik b’anoj taq k’ax pa we amaq’.