«Are k’ut xunimaxik ri xutaq loq ub’anik rumal ri K’amal b’e Amaq’ xuquje’ rumal ri Ministro rech Gobernación rech kemol kuwach ri wokajilal pa we amaq’ xuquje’ are rech kejach che ri kipatan pa kib’an pa taq tinamit ri’ are jun chi ke ri’ ri chakunem kab’an kuk’ ri q’atb’al tzij rech taq tinamit, rech kaya’ ub’ixik ri cholchak rech kakojik ri Oficinas Municipales rech Q’atel k’ax, chi ke ri e ajkalte’ib’ rech taq ri wuqub’ uq’ab’ tinamit che kiwokom uwach ri Gran Mancomunidad rech ri Sur», xcha’ ri Tercer Viceministro Carlos García Rubio.
Xub’ij chik “Eri Oficinas ri’ eri kichak kakib’ano are la’ kakitaq’ij uwokik ukojik uwach taq jachakub’al pa taq tinamit ri’ rech ketob’an k’ut pa le b’anoj chakunem ri xuquje’ pa le ya’olchajinem pa taq le uq’ab’ tinamit ri’, rumal ri’ xk’ut chi ke ri e wuqub’ chi e ajkalte’ib’ ri’ xuquje’ xijit chi ke ri ub’anik xuquje’ ri k’uttijonem chi ke ri kiwokom uwach ri Oficinas pa taq ri tinamit ri’».
Xub’ij chik are wa’ k’o nim upatanil chi ke konojel ri uq’ab’ taq tinamit pa we amaq’ rumal k’ut eri oficinas ri’ e are ri’ kakib’an unuk’ik uwach ri ub’ixikilem, ri usoliwachinem xuquje’ ri unuk’ik ri tzijol chi rij taq ya’olchajinem pa taq jujun uq’ab’ taq tinamit che ri e are kakib’ij ri qas kachomax ri’.
«Na’tal b’a’ chaqe che konojel taq ri q’atb’al tzij pa taq tinamit kojom jun Consejo jun molaj e Ajno’jinelab’, rech kakichomaj uq’atik ri pwaqil xuquje’ ri uwokik ri Oficina Municipal ri’, rumal ri’ kojupan pa taq jujun Q’atb’al tzij pa Tinamit ri’ rech kaqaya’o ub’ixik ucholajil ri tzijolil ri’», xcha’.
Xub’ij k’ut eri Oficinas ri’ man xaq ta rech q’ateb’al b’anoj taq mak, xane’ are rech q’ateb’al b’anoj k’ax moxorem ri’, are wa’ qas kab’an uchomaxik rech kaq’atexik pa le umolik utzijolil ri’, xuquje’ are la’ rech kilik jas ub’e kuk’am ri b’anoj q’atenik mak, k’ax ch’o’jinem ri’ xuquje’ eri nik’aj chik wokajilal are la’ ketob’anik pa le ya’olchajinem rech uq’atexik ri’.
«Eri uj kujok che ilonel rech uterenb’exik ri jujun taq chak kub’an ri Oficina ri’ xuquje’ ke’achb’ilan pa taq le b’anoj k’uttijonem chi rij ub’anik ya’olchajinem ri’, rech q’atenik b’anoj mak xuquje’ q’atenik b’anoj k’ax ch’o’jinik ri’, rech kak’oji pa usaqil chi kuwach ri q’atb’al tzij, are rajwaxik kuch’ob’ ri winaqil rech kechakun pa taq ri Oficinas ri’, ri rajwaxik k’o jun diplomado rech ri’ kesam pa le Universidad de San Carlos, ri are la’ kojom kumal ri puqchomanel rech q’atenik b’anoj k’ax b’anoj mak ri’, rech kab’an puqchchajinem ri’ xuquje’ are la’ chakub’al kakoj pa taq ri alcaldías rech pa uq’atexik ri b’anoj k’ax ri b’anoj mak ri’», xcha’ ri García Rubio.
Eri upatan ri Mancomunidad del Sur ri’
Eri Mancomunidad Gran Ciudad del Sur ub’i’ are la’ jun komonb’al xkojik rech kutaqij uchomaxik, uwokik xuquje’ usolixik ri b’anoj chakunem ri’, rech kuno’jij uwach xuquje’ rech katatab’enik pa le chomanem rech pa q’atb’al tzij rech taq tinamit rech ri wokajil kimolom kib’ a are wari’ are la’ e k’o chi upam ri Amatitlán, Ciudad de Guatemala, Mixco, San Miguel Petapa, Santa Catarina Pinula, Villa Canales xuquje’ Villa Nueva ri’.