Eri reqa’lenelab’ ri Departamento rech Tránsito (DT) rech ri Wokajil Ajchajil Tinamit (PNC) e k’ochik 500 chi e ajb’inisal ch’ich’ usilom chik kuwilal e k’o 85 chi ke k’o tojb’al xkoj chi ke rumal k’o kimak ri’.
Xuquje’ k’o 500 chi wujilal rech k’amoj b’e rech Nab’e b’anoj no’jalil ilonem chi ke Winaq kiriqomk’ax pa taq Nimab’e ri’ rech are kaketa’maj jas ri kakib’ano aretaq kakiriq k’ax pa nimab’e xuquje’ rech kkakito’o ri winaqil ri k’o kuriq k’ax rajwaxik kato’ ri’.
Eri q’atb’altzij xkib’ij eri b’anoj solinem ri’ are xb’antaj kowinem xb’anik pa le Ya’ltzijol rech Q’atenik k’ax uquje’ rech Kapixb’axik ri winaqil pa K’isb’al pa K’isb’al junab’ ri’, are wa’ taqom unimaxik rumal ri Q’atb’altzij rech ri Ministerio rech Gobernación ri’.
Eri Lilian Lima, rech ri Sección rech Educación Vial xub’ij ri’ xb’antaj usolixik kiwujilal e 130 e ajb’inisal ch’ich’ pa Villa Nueva ri’ chi ke e k’o 28 xkikoj tojb’al chi kij; pa Santa Catarina Pinula e k’o 123 xb’antaj usolixik kiwuj, e k’o 25 xkoj tojb’al chi kij xuquje’ k’o 123 chi wuj rech no’jalil xjach chi’.
E pa Mixco e k’o 102 xsolix kiwuj ri’, e 10 chi ke xkoj tojb’al chi kij xuquje’ k’o 178 chi wuj rech no’jalil xjach chi’, pa le b’anoj solinem tzukunik rech pa Boulevard Liberación, k’o 140 xsolij kiwuj ri’, k’o 22 xkoj tojb’al chi kij xuquje’ k’o 166 chi wuj rech no’jalil xjach chi’.
Xuya’ utzijolil che e k’o 17 chi winaqil xkitz’ib’aj kib’ rech kek’uttijoxik chi rij educación vial, are wa’ kupatanij rech utojik uwach ri tojb’al kojom kanoq chi kij ri’ e jo’ob’ chi ke xkich’ak ri xketaj kib’ ri’.
Eri b’anoj tzukunem ya’olchajinik ri’ are wa’ katerenb’ex ub’anik pa taq le q’ij petinaq pa taq nimab’e rech pa Uk’u’x Nimatinamit xuquje’ pa taq tinamit chi rij apanoq.