Eri K’amoj ub’e ri Servicios rech Seguridad Privada (DIGESSP), xukoj pa retaxik ri Ub’anikil ri Wujilal rech B’anoj Tijonem rech Capacitación Virtual, rech chi ke taq ri Empresas che ri kakib’an ya’olchajinem ri’ ri k’o kijachakunb’alil rech b’anoj tijonem, rech kamajtajik ri b’anoj k’uttijonem pa uwachwuj pa k’amq’aq’nil ri’ rech tijonik chi ke ri e ajchajinel rech seguridad privada ri’.
Pa le jun cholchak rech b’anoj ub’anikil tijonem ri kuya’ ub’ixik ri ub’eyal ub’anik kab’an ri’ pa le uwachwujil pa k’amq’aq’nil pa we amaq’, rumal uq’atexik ri Coronavirus COVID-19.
Eri K’amal ub’e ri DIGESSP, Vìctor Orellana, xub’ij, k’o jun xchomaxik xya’ ub’ixik ri kuya’ kik’aslemal ri k’uttijonem pa uwachwuj pa k’amq’aq’nil ri’, rech are tijonik kaya’ chi ke ri e ajchajinel pa taq le empresas rech seguridad, rech e are ke’ilowik we kakitijoj kib’ pa le ub’anikil ri’.
Eri tijob’enik pa ub’anikil uwachwuj ri’ are ya’tal chi ke ri e ajchajinel, che ri kechajinik, che kakichajij winaqixel xuquje’ ri e ajtzukunel k’o katojow kech, are wa’ k’o pa le Taqonatzij che ri Kuq’at Ub’anik ri Seguridad Privada pa we amaq’, jacha’ ri kub’ij ri’ decreto 52-2010 ri’.
Pa le ub’anikil ri cholchak rech ub’eyal b’anoj tijonem kub’ij wi’ che ri ronojel ri Centro rech Capacitaciòn che ri are karaj kumajo ruk’ we jun chakunem pa DIGESSP, ri uta’ik ub’anik ri’ ruk’ ri b’iw ub’ixik we jun ch’ob’otal chak rech b’anoj ub’eyal tijonem pa uwachwujil pa k’amq’aq’nil, are k’ut kataqix ukojik pa le jutunaj wujilal che ri q’atam rech kakojik rumal ri Departamento rech Capacitación xuquje’ Desarrollo Tecnológico rech ri taqawokajil ri’.
Eri K’amal b’e Orellana ri’ xuquje’ xub’ij che pa le ub’anik ri tijonem pa uwachwujil pa k’amq’aq’nil, eri DIGESSP kasolin ri’ pa taq le Centros rech Capacitaciòn rech kurilo we kanimax ub’anik ri jun ub’eyal b’anoj tijonem ri’.
Pa le jun wujil rech b’anoj tijonem ri’ chi upam k’ut k’o wi janipa’ q’ij kanajtib’ ri tijonem pa uwachwuj pa k’amq’aq’nil ri kumajo lajuj pa juk’al lajuj q’ij ri’ pa k’ajk’al chi kajb’alil rech b’anoj eta’manik ri’. Aretaq kak’is we jun b’anoj tijonem ri’ are kajach ub’ixik che ri DIGESSP ri wujilal rech ri e ajchajinel rech ke’ok pa le etab’anem k’amoj tijonem pa uwachwuj pa k’amq’aq’nil ri’.
Eri taqawokajnel xe’usik’ij pa jun opanem pa taq le Centros rech Capacitaciòn ri e tz’ib’atal pa usaqil ri’ rech chinaq kakaj ke’ok pa taq le tijonem ri’ kuta ri’ che pa le 12 rech junio, rech kamajtaj ri tijob’enik pa uwachwujil pa k’amq’aq’nil ri’.
“Kaqab’an jun sik’inem chi ke konojel ri kakaj ke’ok pa le Centros rech Formaciòn chinaq karaj ka’ok pa le Ub’eyal Cholchak Tijonem rech Capacitaciones Virtuales che ri katjain uya’ik pa reqa’lenem ri DIGESSP ri’”, xcha’.