Eri K’amal b’e rech ri Wokajil Japache’ Tz’apib’al (DGSP) Luis Rodolfo Escobar xuya’ ub’ixik che ri katajin uch’ajik rech kasaqab’isax upam taq ri 21 chi japache’ k’o pa amaq’ ri’.
“Eri qachak uj are rech kaqilo che e utz kuwach kek’oji ri e ajpache’ ri’ xuquje’ ri e ajchajil kech, xuquje’ e are qas keqilo pa taq le uq’ij ri jun k’ax yab’il ri’, rumal ri’ kojtajin che ub’ixik rech chakiya’ kiq’ij ri winaq che ri b’anoj saqab’isanem jeri’ pa amaq’elil ri’” xcha’ ri K’amal b’e.
Rumal eri e ajchajil kech ri e ajpache’ ri’ e are jun xkib’an ri ch’ajonem pa juntir upam ri japache’, chi’ k’u che ri qas e jaqal wi xuquje’ ri kek’oji wi pa juntir le q’ij e tz’apil ri’ rech uq’atexik wari’ ri jun k’ax yab’il rech ri Coronavirus COVID – 19.
Ronojel q’ij k’o kunab’al kawupux chi’ xuquje’ kach’aj pa le upam qas ri nimaja’ ruk’ ja’, xab’on, cloro xuquje’ ruk’ nik’aj ch’ajb’al saqab’sib’al ri’, jeri’ kab’an che ri jastaq oqxa’n che ri kopan pache’ tz’apib’al ri’, rumal ri’ man k’ot jun winaq kopan che ch’ab’enik chi’, chinaq k’ut kopan chi’ toq’im ri’ ukojom kuchb’al uchi’ xuquje’ uq’ab’ ri’ xuquje’ xaq katajin k’ut kakich’aj kiq’ab’ ri’.