Eri K-9 xsipax tzuqb’al kech rumal ri ri Nestlè ri’

Eri q’atb’altzij rech ri Subdirección General rech Análisis rech Información Antinarcótica (SGAIA) rech ri Wokajil Ajchajil Tinamit ri’ eri Nestlè Purina, xusipaj loq 1 mil 212 chi tzuqb’al ub’i’ Pro Plan rech ri K-9 rech ri Escuela rech Entrenamiento Canino k’o pa le Finca el Pino, Aldea Serinal, Barberena Santa Rosa.

Eri Jorge Ortega k’amal b’e rech ri Escuela Canina, xuya’ ub’ixik che e k’o e 50 chi tz’i’ ri’ chi ke xya’taj wi loq ri tzuqb’al kech ri’.

“Are rajawaxik keqatzuqu xuquje’ rech k’o kichuq’ab’ rech utz ketob’an pa le chak kaqab’ano, pa we amaq’ pa le ya’olchajinem winaqil ri’”, xcha’ ri Ortega.

Eri Geovanni Rodríguez, Gerente rech Nestlé Purina, xub’ij eri tzuqb’al xsipax chi ke ri caninos K-9 sib’alaj k’o utz tzuqb’al kech kaya’ik rech k’o utz kichuq’ab’ rech utz ketob’anik pa le ya’olchajinem kab’an pa we amaq’ ri’.

“Chaqe uj eri tzuqb’al xya’taj loq rech kirikil ri K-9, eri tz’i’ ri’ ketajin k’ut che ub’anik jun chak rech ya’olchajinem winaqilal ri’ rumal ri’ are sib’alaj kaqamaltyoxij ri’”, xcha’ ri Rodrìguez.

Eri tzuqb’al kech xya’taj loq are kajach chi ke ri keraqataj pa puertos, pa aeropuertos, xuquje’ pa japache’ tz’apib’al ri’.

Noticias Recientes