Are rech b’a’ k’o jun utzilaj ya’le ilonik kaya’ chi ke konojel ri wokajil che ri e tz’ib’al pa le Dirección General rech Servicios rech Seguridad Privada (DIGESSP) rumal ri’ jaqom chik uwach rech kak’ul ri wujilal rech ya’ltzijol chak xb’an ri’ pa le junab’ 2019 k’a pa le lunes 13 rech pa ik’ wari’.
Eri ajtzijoliinel ri’, Mynor Álvarez, rech ri taqawokajil ri’ xuya’ utzijol che are kab’an utzil chi ke ri wokajil ri maja’ na ke’opan che ujachik ri uwujilal ub’ixikil ri’ rech pa le DIGESSP, chi’ k’u ri’ kenimaxik pa le q’ij lunes k’a pa le ulajuj kajb’al ruk’ 59 minut rech k’u chaq’ab’, are rech ri’ taqim kanimaxik uk’ulik kiwujil rech ub’ixik 232 chi wokajilal rech ya’olchajinik ri’ jacha’ ri kataqon wi ri taqanik tzij rech man k’o tojb’al keqaj wiri’ we man ke’opan ta che ujachik ri’.
Chi ke ri 232 chi wokajilal ri’ k’o 134 k’o ri kiwujilal rech kechakun ri’, e k’o b’elejeb’ chi ke jacha’ ri k’o pa le nuk’chomab’al taqanik, ri 32 chik k’o ri’ nuk’chomab’al rech pa taqawokajil ya’tal chi ke, e k’o 17 katuke’lem kib’, xuquje’ konojel ri’ ya’tal chi ke rech ke’opan, pa q’ij miércoles, jueves, viernes xuquje’ lunes pa le ujachik wujilal rech ub’ixikil ri’ pa le uk’u’x jachakunb’alil rech ri DIGESSP, ri k’o pa le 41 calle 17-36 zona 8, pa nimatinamit ri’.
Eri Álvarez, xuya’ ub’ixik che ronojel ri wokajil ri’ e toq’otal ri’ rech kakijacho uwujil ri chakunem kib’anom ri’, rech kakiya’o loq ub’ixik chinaq taq ajchak kikojom pa taq nik’aj chik wokajilal, kib’i’ ri k’ak’ taq e ajchajinel, rajilab’al ri k’aqb’alil kikojom, xuquje’ ruk’ nik’pa rajil chi ch’ich’ kikojom ri’, juntir wari’ are rech man kaqaj ta q’atb’altzij chi kij chi rij ri chakunem kakib’an ri’ rech man k’o tojb’al kaqaj chi rij ri’.
Sub’ij chik che pa junab’ir ri’ xkoj tojb’al chi kij kajib’ wokajil ya’olchajinik ri’ rumal k’ut are katajin uchupik kuwach ri’ rumal ri’ man wujil tzijol rech ub’ixik xkijach k’ut.