Eri Departametno rech Tránsito rech ri Wokajil Ajchajil Tinamit (PNC), kupatanij ri’ ri k’ak’ cholchak rech “Motorista Seguro”, pa nimatinamit ri’, are kuya’ nima utzilem chi ke ri winaqil rech ri jalajoj taq tinamit xuquje’ pa taq wokja e k’o apanoq ruk’ ri ya’el wujil rech b’inisab’al kejch’ich’ ri’ tipo “M”.
Eri katz’ib’axik winaqi ri’ are kab’an pa le 7 pa le 16 rech enero pa le uwachwuj pa k’amq’aq’nil rech ri taqawokajil ri’ xuquje’ eri k’uttijonik are kab’an pa le 18 xuquje’ 19 rech we ik’ ri’, pa le rachoch ri Academia rech ri PNC, ri k’o pa le colonia cipresales rech ri zona 6.
Are pa uro’ mul chik kab’an ri cholchak pa nimatinamit ri’ xuquje’ are chomatal chik ketz’ib’axik e 2 mil 500 chi winaqil ri’, ri ketijoxik xuquje’ ke’etax kaketa’maj ri’, are rech kanimaxik ruk’ utz’aqatisaxik ri kata pa le resaxik ri wujilal ri’.
Pa le k’uttijonik ri’ are kajachik 4 mil chi wujilal rech kab’inisax kejch’ich’ ri’, are wa’ rech pa 2018 k’a we q’ij kamik.