Eri Nimawokajil rech Ajq’atil taq Pandillas (DIPANDA) rech ri Wokajil Ajchajil Tinamit (PNC) pa komonchak kuk’ ri Ministerio Público (MP), k’o jumulaj b’anoj taq tzukunem xub’an pa taq le uk’u’x Nimatinamit ri’ xuquje’ pa taq le tinamit rech Jalapa xuquje’ Jutiapa, rech xkichap loq kawinaqil ri keb’ molaj b’anol k’ax kamisanelab’ che ri kakitoq’ij pwaq chi ke ri e ajch’ich’ rech erelwinaq pa tinamit xuquje’ chi ke taq empresas rech e ajk’ayil wa.
Eri reqa’lenel ri Subdirección General rech Investigación Criminal ri’ xetatb’enik pa taq le b’anoj tzukunem ya’olchajinik rech xkichap loq e lajuj chi winaqil, ri keb’ixik e ajtoq’il pwaq ri’, e uwinaqil ri jun molaj b’anol k’ax ub’i’ Clica Solo Raperos rech ri Barrio 18 ri’.
Pa taq le b’anoj tzukunem ri’ xb’antaj pa le zona 18, chi’ xechapataj wi nik’aj winaq e b’anol k’ax ri’ a Hormy Judith Nicolás Valencia, 23 ujunab’; a Willy Shaohih Lem Ajcuc, 21 ujunab’; a Axel Yoc Arriaga, 39 ujunab’ xuquje’ a Jesser Judith Sánchez Hernández, 23 ujunab’ ri’, kab’ixik che xchapataj pa tinamit ri’, kab’ixik eri konojel ri’ tajin xkitoq’ij pwaq chi ke winaq ri’.
E nik’aj chik k’o nim xib’inem xkib’an chi ke winaq ri’ xuquje’ choman b’anoj k’ax ri’, rumal ri’ e k’o e waqib’ xechapataj chi ke ri’, pa le barrio San Francisco, Jalapa, chi’ xchapataq wi ri al Glenda Patricia López Hernández, 32 ujunab’, al Miriam Judith Navas, 46 ujunab’, xuquje’ ri al Gloria Elvira Rojas García 37 ujunab’ ri’.
Xuquje’ xchapataj loq pa San Carlos Alzatate, Jalapa; jun ixoq ub’i’ Gloria Argentina Esteban Bollot, 26 ujunab’, al Karla Jeannira López Cruz, 33 ujunab’, pa le colonia Las Marías, Jalapa xuquje’ pa le aldea El Porvenir, El Progreso, Jutiapa, xchapataj wi loq ri al Stefany Marisol Sandoval López, 22 ujunab’ ri’.
Pa taq le b’anoj tzukunem ri’ k’o jastaq q’alajisab’al ri b’anoj k’ax ri’, chi’ k’ut xriqitaj wi loq keb’ k’asqb’alil xuquje’ Q42 mil 745 pwaq b’otolik.
Rumal ri’ eri Q’atb’altzij rech ri Wokajil Ajchajil Tinamit k’o jun sik’inem xkib’an chi ke ri winaqil pa tinamit ri’ rech chakib’ij b’a’ loq pa le 110 xuquje’ pa le 1574 wexa’ k’o toq’inik pwaq kakilo kab’an ri’.