Are taqim k’ut kaq’atexik ri toq’inik pwaq kumal nik’aj e ajb’anol k’ax ri’, rumal ri’ eri reqa’lenelab’ ri División Nacional rech Q’atenel taq Pandillas (DIPANDA) ri’ rech ri Wokajil Ajchajil Tinamit (PNC), xkichap k’ut keb’ ixoqib’ xuquje’ e k’o wajxaqib’ chi ixoqib’ ri’ xya’ uwi q’atoj tzij chi kij rumal b’anol k’ax e uwinaqil nik’aj b’anol k’ax e imitadores ri’.
Pa rachoch ri Japache’ Tz’apib’al kech Ixoqib’ Santa Teresa, Zona 18, eri e ajchajinelab’ ri’ xkiya’ loq ub’ixik che ri Yesica Itzep Sontay 25 ujunab’ eri jun chik umak are toq’inik pwaq rumal ri are ri’. Xuquje’ pa le Japache’ Tz’apib’al kech Achijab’ xuquje’ Ixoqib’ rech Mazatenango, Suchitepéquez, chi la’ k’ut xya’taj wi ub’ixik ri jun chik q’atoj tzij chi rij ri jun ixoq ub’i’ Norma Morelia Chávez Miranda 25 ujunab’, rumal toq’inik pwaq rumal.
Rumal b’anoj toq’inik pwaq ri’, eri reqa’lenel ri DIPANDA xkiya’ ub’ixik che ri María del Rosario Sales 37 ujunab’, jeri che ri Lesvia Consuelo Sánchez Marroquín 39 ujunab’, che ri María Mercedes Telón Rodas 23 ujunab’, che ri Juana Iris Mateo Cristóbal 41 ujunab’ xuquje’ che ri María Celida Marín García, konojel wari’ keriqitaj pa le Centro rech Orientación Femenino COF pa Fraijanes ri’.
Eri q’atb’al tzij xkiya’ loq utzijol che xechapataj ri’: ri María de Jesús Juyan Yoc 58 ujunab’, pa le 10 Av. 4-44 A Colonia Eterna Primavera Zona 4, Municipio rech Villa Nueva ri’ ruk’ ri are xriqitaj wi jun libreta rech ahorro xuquje’ keb’ wujil rech xresaj pwaq pa pwaqb’al ja ri’, are wa’ uwach ri tzukunem katajin chi rij ri’ ruk’ wa’ are kak’utik ri rajilab’al ri pwaqb’al ja ri karesaj wi ri pwaq rech q’atoj toq’inik rumal.
Jeri, pa San José La Colonia, rech Cobán, Alta Verapaz, xchapataj wi jun ixoq ub’i’ María Ester Pérez García 26 ujunab’, ruk’ xriqitaj wi jun ch’a’wib’al xuquje’ jun tarjeta rech ahorro, rumal xub’an toq’inik pwaq, xtaq uchapik rumal ri’ Q’atb’al tzij rech pa tinamit ri’.